English | Telugu
ప్రేమ లేదు... పెళ్లి లేదు..!
Updated : Apr 14, 2014
"గబ్బర్ సింగ్" చిత్రం తర్వాత వరుస విజయాలతో దూసుకుపోతున్న బ్యూటీ శృతిహాసన్. ఈ అమ్మడు ప్రేమలో పడిందని గతకొంత కాలంగా వార్తలు వస్తున్నాయి. ఇలాంటి వార్తలు విని విని విసుగెత్తిపోయిన శృతి ఓ ఇంటర్వ్యూ లో ఈ పుకార్లను ఖండించింది. తాను ఇప్పటివరకు ఎప్పుడు కూడా ప్రేమలో పడలేదని, తాను రాసుకున్న డైరీ చూసినవారు నాతో ప్రేమలో పడరు, పెళ్లి చేసుకోరు అని చెప్పింది. అలాగే ప్రస్తుతం తన లైఫ్ లో కెరీర్ కు మాత్రమే ప్రాధాన్యం అని.. ప్రేమకి, పెళ్లికి ప్రాధాన్యం ఇవ్వదల్చుకోలేదని చెప్పుకొచ్చింది. ప్రస్తుతం ఈ అమ్మడు తెలుగు, తమిళ, హిందీ భాష చిత్రాల్లో నటిస్తూ బిజీగా ఉంది. మరి ఈ అమ్మడు ప్రేమ సంగతి ఎప్పుడు చెబుతుందో, అసలు ఆ డైరీలో ఏం రాసుకుందో అని అందరూ అనుకుంటున్నారు.