స్టార్ హీరోయిన్ కాజల్ అగర్వాల్ టైటిల్ పాత్రలో నటిస్తున్న సినిమా సత్యభామ. క్రైమ్ థ్రిల్లర్ నేపథ్యంలో వస్తున్న ఈ మూవీలో కాజల్ మొట్టమొదటి సారిగా ఒక పవర్ ఫుల్ పోలీస్ ఆఫీసర్ క్యారెక్టర్ లో నటిస్తోంది. తాజాగా దీపావళి సందర్భాన్ని పురస్కరించుకొని మేకర్స్ సత్యభామ టీజర్ ని రిలీజ్ చేసారు. ఇప్పుడు ఈ టీజర్ తెలుగు చిత్ర పరిశ్రమని షేక్ చేస్తుంది.

చావు బతుకుల్లో ఉన్న ఒక అమ్మాయి సిన్సియర్ పోలీస్ ఆఫీసర్ అయిన సత్య భామ చేతుల్లో చనిపోతుంది. దాంతో సత్య భామ ఆ అమ్మాయిని బతికించలేకపోయాను అనే గిల్టీ ఫీలింగ్ తో తన ఉద్యోగానికి రాజీనామా చేస్తుంది. పై అధికారులు సత్య భామ తో చనిపోయిన అమ్మాయి కేసు నీ చేతుల్లో లేదు కదా అని అంటారు. అప్పుడు సత్యభామ అధికారులతో ఆ ప్రాణం నా చేతుల్లోనే పోయింది అని ఆ యువతిని చంపిన హంతకుల వేట మొదలుపెడుతుంది. పురాణాల్లో నరకాసుర వధ కోసం యుద్ధరంగంలో అడుగుపెట్టిన కృష్ణుడి భార్య సత్యభామ సాహసంతో ఈ సత్యభామ సాహసాన్ని పోల్చుతూ ఆనాటి పురాణాల్లో వర్ణించిన పాట ఒకటి బ్యాక్ గ్రౌండ్ లో సాంగ్ గా రావటం చాలా బాగుంది. టీజర్ ఆసాంతం కాజల్ తన నటనతో ఆకట్టుకుంది. చివర్లలో ఎవరో ఒక లేడీ అచేతన స్థితిలో పడిపోయి ఉంటుంది. కానీ ఆ అమ్మాయి పేస్ ని రివీల్ చెయ్యరు. ఆ అమ్మాయి చేతి మీద ఐ డోంట్ కేర్ అని రాసి ఉంటుంది. చివర్లో ఆ అమ్మాయి కదిలింది అన్నట్టుగా చూపించి టీజర్ ని ఎండ్ చెయ్యడం బాగుంది.

కాజల్ నట విశ్వరూపం చూడటం పక్కా అనే విషయం టీజర్ ని చూసిన ప్రతి ఒక్కరికి క్లియర్ గా అర్ధం అయ్యింది.ఈ సత్యభామ చిత్రాన్ని అవురమ్ ఆర్ట్స్ పతాకంపై బాబీ తిక్క, శ్రీనివాసరావు తక్కలపల్లి నిర్మిస్తున్నారు. మేజర్ చిత్ర దర్శకుడు శశికిరణ్ తిక్క స్క్రీన్ ప్లే ని అందించడమే కాకూండా చిత్ర సమర్పకులుగా వ్యవహరించడం విశేషం. సుమన్ చిక్కాల దర్శకత్వంలో వస్తున్న ఈ సత్యభామ మూవీ ప్రస్తుతం శరవేగంగా షూటింగ్ జరుపుకుంటోంది. ప్రకాష్ రాజ్, నవీన్ చంద్ర లు కీలక పాత్రలో నటిస్తున్నారు.