స‌మంత గురించి రోజుకో వార్త వైర‌ల్ అవుతోంది. ఆమె ఇప్పుడు కెరీర్‌కి ఆరు నెల‌ల‌పాటు బ్రేక్ ఇచ్చారు. ఆమె ప్ర‌స్తుతం చేతిలో ఉన్న క‌మిట్‌మెంట్స్ పూర్తి చేశారు. ఆ త‌ర్వాత విశ్రాంతి తీసుకోవ‌డం మొద‌లుపెట్టారు. ప్ర‌స్తుతం తాను రెస్ట్ తీసుకుంటున్న విష‌యాల‌కు సంబంధించిన వార్త‌ల‌ను సోష‌ల్ మీడియాలోనూ పోస్ట్ చేస్తున్నారు. ఆరోగ్యం, విశ్రాంతి వ‌ర‌కు అంతా బాగానే ఉంది కానీ, ఈ ఆరు నెల‌ల బ్రేక్ వ‌ల్ల స‌మంత ఎంత పోగొట్టుకుంటున్నారోన‌ని లెక్క‌లేస్తున్నారు ట్రేడ్ పండిట్స్. ప్ర‌స్తుతం కొంతకాలం పాటు బ్రేక్ తీసుకోవాల‌ని డిసైడ్ అయిన స‌మంత‌, ఆల్రెడీ ఒప్పుకున్న హాలీవుడ్ ప్రాజెక్ట్ అడ్వాన్సులు కూడా తిరిగి ఇచ్చేశారు. తెలుగు, హిందీ, త‌మిళ్‌లో ఏ సినిమాలూ చేయ‌డం లేదు. వీట‌న్నిటివ‌ల్ల ఆమె దాదాపు 12 కోట్లు న‌ష్ట‌పోతున్నార‌న్న‌ది టాక్‌.

య‌శోద సినిమాకు ఆమె 3.5 నుంచి 4 కోట్ల రూపాయ‌ల దాకా పారితోషికం అందుకున్నారు. ఆ లెక్క‌న ఏడాదికి మూడు సినిమాలు చేసినా 12 కోట్ల దాకా లాస్ అవుతార‌న్న‌ది టాక్‌. య‌శోద సినిమా చేస్తున్న‌ప్పుడే మ‌యోసైటిస్ భారిన ప‌డ్డారు న‌టి స‌మంత‌. ఈ ఆటో ఇమ్యూన్ కండిష‌న్ కోసం ట్రీట్ మెంట్ తీసుకోవడానికి త్వ‌ర‌లోనే యు.ఎస్‌. వెళ్తార‌న్న‌ది టాక్‌. విడీ అండ్ వీడీతో ఆమె చేసిన ప్రాజెక్టులు పోస్ట్ ప్రొడ‌క్ష‌న్ స్టేజ్‌లో ఉన్నాయి. తెలుగులో విజ‌య్ దేవ‌ర‌కొండ హీరోగా ఖుషి సినిమా చేస్తున్నారు స‌మంత‌. హిందీలో వ‌రుణ్ ధావ‌న్‌తో సిటాడెల్ ప్రాజెక్టులో చేశారు. కొన్నాళ్ల పాటు షూటింగుల‌కు బ్రేక్ ఇచ్చిన స‌మంత‌, త‌న హీలింగ్ జ‌ర్నీని కంప్లీట్ చేసుకుని త్వ‌ర‌లోనే తిరిగిరావాల‌ని కోరుకుంటున్నారు ఆమెతో ప‌నిచేసిన వారు.