English | Telugu
సాయికుమార్ చిత్రం ప్రారంభం
Updated : May 5, 2011
సాయికుమార్ చిత్రం ప్రారంభం అయ్యింది. వివరాల్లోకి వెళితే పద్మిని ఆర్ట్ పిక్చర్స్ పతాకంపై, డైలాగ్ కింగ్ సాయికుమార్, హేమ జిల్లోజ్ హీరోయిన్ గా, కేశవ తీర్థ, ప్రభాకర్, అశోక్ కుమార్ ప్రథాన తారాగణంగా, రామ్ కుమార్ దర్శకత్వంలో,యస్.యన్.రావు, హెచ్.వేంకటేష్ సంయుక్తంగా నిర్మిస్తున్న "ప్రొడక్షన్ నం-2" మే 5 వ తేదీన ఫిలిం నగర్ దైవ సన్నిధానంలో ఘనంగా ప్రారంభమయ్యింది.
ఈ చిత్రానికి ప్రముఖ సీనియర్ దర్శకులు ఎ.కోదండరామిరెడ్డి క్లాప్ కొట్టగా, యువ హీరో, పూరీ జగన్నాథ్ సోదరుడు సాయిరామ్ శంకర్ కెమెరా స్విచ్చాన్ చేయగా, ముహూర్తం షాట్ కు దర్శకుడు యన్.శంకర్ గౌరవ దర్శకత్వం వహించగా, ఈ చిత్రం వైభవంగా ప్రారంభమయ్యింది. ఈ చిత్ర నిర్మాతలు ఇదే పతాకంపై, ఆలీ హీరోగా ఇదే రామ్ కుమార్ దర్శకత్వంలో "తిన్నామా, పడుకున్నామా, తెల్లారిందా" అనే చిత్రాన్ని నిర్మించారు. ఆ చిత్రం తర్వాత వారు నిర్మిస్తున్న రెందవ చిత్రమిదే కావటం విశేషం.