జపాన్ సునామి బాధితులకు సూపర్ స్టార్ రజనీ కాంత్ సాయం అందించనున్నారు. సూపర్ స్టార్ రజనీ కాంత్ కి ప్రపంచ వ్యాప్తంగా అభిమానులున్నారు. అలాగే సూపర్ స్టార్ రజనీ కాంత్ కి జపాన్ లో కాస్త ఎక్కువగానే అభిమానులున్నారు. ఇటీవల జపాన్ లో జరిగిన సునామీ, భూకంపం, అగ్నిపర్వతం ప్రేలుళ్ళు, అణు రియాక్టర్ల ప్రేలుళ్ళు జరిగి, అక్కడి ప్రజలు ఆపదలో ఉన్న సందర్భంగా వారి పరిస్థితి ఏమిటనేది సూపర్ స్టార్ రజనీ కాంత్ జపాన్ లోని తన అభిమానులతో మాట్లాడి తెలుసుకున్నారు. సాటి మనిషిగా జపాన్ ప్రజలు పడుతున్న బాధలకు సూపర్ స్టార్ రజనీ కాంత్ మనసు కదిలిపోయింది.

సూపర్ స్టార్ రజనీ కాంత్ తాను జపాన్ లోని ఈ సునామీ బాధితులకు, భారీ ఎత్తున వస్త్రాలనూ, ఆహారపు దినుసునులనూ, వంట సామగ్రినీ, అనేక వస్తు సామాగ్రినీ ఒక ప్రత్యేక విమానంలో జపాన్ కి పంపించటానికి తనకు ఒక విమానం కావాలని వెంటనే భారత్ ప్రభుత్వంతో మాట్లాడారు. సూపర్ స్టార్ రజనీ కాంత్ చేస్తున్న ఈ మంచి పనికి భారత ప్రభుత్వం కూడా వెంటనే స్పందించి ఈ పనికి విమానం ఇవ్వటానికి అంగీకరించింది. హేట్సాఫ్ రజనీ. కీపిటప్. అలాగే సాటి మనుషులుగా మనం కూడా ఎవరికి తోచిన సాయం వారు జపాన్ లోని ఈ సునామీ బాధితులకు చేసి మానవత్వాన్ని బ్రతికిద్దాం.