English | Telugu
జోజు జార్జ్, ఐశ్వర్య రాజేష్ 'పులిమేద' ట్రైలర్ విడుదల
Updated : Oct 15, 2023
ఐన్ స్టీన్ మరియు ల్యాండ్ సినిమాస్ బ్యానర్ పై ఏ.కె. సజన్ దర్శకత్వంలో జోజు జార్జ్, ఐశ్వర్య రాజేష్ హీరో హీరోయిన్లుగా నటుస్తున్న సినిమా 'పులిమేద'. ఇప్పటికే విడుదలైన ఫస్ట్ లుక్, టీజర్ కు మంచి స్పందన లభించింది. తాజాగా చిత్ర యూనిట్ ట్రైలర్ ను విడుదల చేసింది. విభిన్నంగా సాగిన ఈ ట్రైలర్ ఆకట్టుకుంటోంది.
ఇటీవల 'ఇరట్ట' సినిమాతో మంచి విజయం సాధించిన జోజు జార్జ్ 'పులిమేద' సినిమాతో ప్రేక్షకుల ముందుకు రావడం విశేషం. తెలుగు ప్రేక్షకులకు సుపరిచితమైన ఐశ్వర్య రాజేష్ ఈ సినిమాలో మరో మంచి రోల్ ప్లే చేస్తోంది.
ఐన్ స్టీన్ మీడియా గతంలో జోజు జార్జ్ తో డైరెక్టర్ జోషి దర్శకత్వంలో అంథోని సినిమా చేశారు. పులిమేద వారి కాంబినేషన్ లో రెండో సినిమా. ఈ సినిమాకు ఇషాన్ దేవ్ సంగీతం అందించారు. బాలచందర్ మీనన్, క్రీమ్బెన్ వినోద్, జానీ అంథోని, జాఫర్ ఇడుక్కి, జియో బేబీ, అబు సలీమ్, సోనా నాయర్, కృష్ణ ప్రభ, పూలే విల్సన్, శిబిల తదితరులు ఈ సినిమాలో నటించారు. అక్టోబర్ 26న ప్రేక్షకుల ముందుకు రాబోతున్న ఈ చిత్రం అన్ని వర్గాల ప్రేక్షకులను అలరిస్తుందని చిత్ర దర్శక నిర్మాతలు చెబుతున్నారు.