సినిమా విడుదలకు ముందు ఏ సినిమానైనా సినీ పరిశ్రమలోని ప్రముఖులకు ప్రీమియర్ షో చూపించటం మామూలుగా ఆనవాయితీ.దానికి ఏ థియేటర్లోనో ఒక షో వేస్తూంటారు.కానీ ఆర్ ఆర్ మూవీ మేకర్స్ సమర్పణలో, మ్యాక్స్ ఇండియా పతాకంపై, ఆదిని హీరోగా పరిచయం చేస్తూ,కె.విజయభాస్కర్ దర్శకత్వంలో, కె.అచ్చిరెడ్డి నిర్మిస్తున్న "ప్రేమ కావాలి" చిత్రాన్ని మాత్రం హైదరాబాద్ లో మూడు స్క్రీన్స్ మీద సినీ ప్రముఖులకు చూపిస్తున్నారు. ఒక వర్థమాన నటుడి చిత్రాన్ని మూడు థియేటర్లలో విడుదలకు ఒక రోజు ముందు సినిమా ప్రముఖులకు చూపించటమ చాలా అరుదు.అది ఆది ఈ చిత్రం హీరో సాయికుమార్ కొడుకవటం వల్ల, ఈ చిత్రాన్ని ఆర్ ఆర్ మూవీ మేకర్స్ సమర్పించటం వల్లా, ఈ చిత్రాన్ని అచ్చిరెడ్డి వంటి సీనియర్ నిర్మాత నిర్మించటం వల్లా సాధ్యమయిందని చెప్పాలి. పన్నెండు కోట్ల భారీ బడ్జెట్ తో నిర్మించిన ఈ చిత్రం ఫిబ్రవరి 25 వ తేదీన విడుదల కానుంది.