బాలాజీ సినీ మీడియా పతాకంపై,ప్రముఖ కొరియోగ్రాఫర్ కమ్ డైరెక్టర్ రాఘవ లారెన్స్ దర్శకత్వంలో, జె.భగవాన్,జె.పుల్లారావ్ సంయుక్తంగా నిర్మిస్తున్న చిత్రం"రెబెల్". ఈ చిత్రంలో హీరోగా ప్రభాస్ నటిస్తూండగా,అతని సరసన హీరోయిన్ గా అనుష్క నటిస్తూందని తెలిసింది.

 

గతంలో ప్రభాస్ హీరోగా నటించిన "బిల్లా" చిత్రంలో అనుష్క హీరోయిన్ గా నటించింది. మళ్ళీ ఈ "రెబెల్" చిత్రంలో ప్రభాస్ సరసన అనుష్క నటిస్తూంది.ఈ చిత్రంలో యాక్షన్, కామెడీ, సెంటిమెంట్,రొమాన్స్ అన్నీ కలగలిపి ఉంటాయట.ఈ చిత్రానికి తమన్ సాయి సంగీతాన్ని అందిస్తున్నారు.స్వామి ఈ చిత్రానికి చక్కని మాటలు వ్రాస్తున్నారు.ఈ చిత్రాన్ని ఫిబ్రవరి మూడవ వారంలో ప్రారంభించి, చిత్రం పూర్తయ్యే వరకూ సింగిల్ స్కెడ్యూల్లో షూటింగ్ చేస్తామని ఈ చిత్రం యూనిట్ అంటోంది.