పవన్ సినిమాలు మానకూడదని సూచించారు చిరంజీవి. స్పీచ్ ఆయన మాటల్లోనే :

" నాకు ఈ మధ్య ఒక వార్త తెలిసింది. రెండు మూడు సినిమాల తర్వాత ఆలోచిస్తాను అంటున్నాడు. మీరే చెప్పండి..ఇది కరెక్టా..?(ఆడియన్స్ ను ఉద్దేశించి). సినిమాలు చేయను అంటున్నాడు. సినిమాల్లో పవన్ ఈ స్థాయి కి రావడానికి నా మాట దోహదపడింది. అందుకే మరో సలహా ఇస్తున్నాను. ఖచ్చితంగా రాజకీయాల్లో రాణిస్తావు. అంతమాత్రాన ఈ రంగాన్ని దూరం చేసుకోవద్దు. నీ కెపాసిటీ నీకు తెలియకు పోవచ్చు గానీ అందరికీ తెలుసు. నువ్వు జోడు గుర్రాల మీద స్వారీ చేయగలవు. రెండు రంగాల్లోనూ నువ్వు రాణించగలవు.. ఇలాంటి అభిమానం లభించడం ఎన్నో జన్మల ఫుణ్యఫలం. ఇంత మంది అభిమానిస్తున్నారు. వీళ్ల మనసును నొప్పించద్దు. సినిమాలు మానద్దు. నీతో పాటు మేమంతా ఉంటాం. (ఫ్యాన్స్ వైపు తిరిగి) నా మాట కాదంటాడని నేను అనుకోవట్లేదు. పవన్ సినిమా కనీవినీ విధంగా రికార్డ్స్ బ్రేక్ చేయాలి. ఆ రికార్డ్స్ ను మన ఇండస్ట్రీలో మరొకరు బ్రేక్ చేయాలి. అలాంటి ఆరోగ్యకరమైన పోటీ అందరి మధ్య ఉండాలి. అప్పుడే పరిశ్రమ మరింత ఎత్తుకు వెళ్తుంది. రికార్డ్స్ ఎవరివైనా ఇండస్ట్రీకే పేరు తీసుకురావాలి. ఒకరిని మించి మరొకరి సినిమాలు ఆడాలి. అందరూ ఆరోగ్యకర వాతావరణంలో ముందుకు సాగాలి అని కోరుకుంటున్నాను "