పవన్ సరసన కాజల్ అగర్వాల్ నటిస్తూందని తెలిసింది. వివరాల్లోకి వెళితే పవర్ స్టార్ పవన్ కళ్యాణ్‍ సరసన ముంబాయి ముద్దుగుమ్మ కాజల్ అగర్వాల్ ఒక సినిమాలో హీరోయిన్ గా నటించబోతోంది. డి.వి.వి.దానయ్య నిర్మించబోతున్న ఈ చిత్రానికి డైనమిక్ డైరెక్టర్ పూరీ జగన్నాథ్ దర్శకత్వం వహించబోతున్నారు. నిజానికి పవన్ హీరోగా నటిస్తున్న "గబ్బర్ సింగ్" చిత్రంలోనే కాజల్ అగర్వాల్ హీరోయిన్ గా నటించవలసింది. కానీ అప్పడు ఆమె డేట్లు అడ్జస్ట్ కాకపోవటం వల్ల "గబ్బర్ సింగ్" ఆమె చేతుల్లోంచి జారిపోయింది. ఈసారి దర్శకుడు పూరీ జగన్నాథ్ పుణ్యమా అంటూ పవర్ స్టార్ పవన్ కళ్యాణ్ సరసన హీరోయిన్ గా నటించే అవకాశాన్ని సొంతం చేసుకుంది కాజల్ అగర్వాల్.