యన్ టి ఆర్ పెళ్ళి ఎక్కడ జరుగుతుంది అనే దాని మీద ప్రస్తుతం ఫిలిం నగర్ లో చర్చలు జరుగుతున్నాయి. అభిమానులు ఆంధ్ర ప్రదేశ్ నలుమూలల నుండి వస్తారు కనుక అంతమందిని నిభాయించాలంటే చాలా ప్రదేశం అవసరమవుతుంది కనుక యల్.బి.స్టేడియంలో యన్ టి ఆర్ పెళ్ళి జరిగితే అందరికీ వసతిగా ఉంటుందని, కనుక అక్కడే యన్ టి ఆర్ పెళ్ళి జరిగే అవకాశాలు ఎక్కువగా ఉన్నాయని సినీ జనం అనుకుంటున్నారు.

 

లేకుంటే షంషాబాద్ గ్రౌండ్స్ లో అయితే మరింత విశాలంగా ఉంటుందనీ, గతంలో హోం మినిస్టర్ సబితా ఇంద్రా రెడ్డి కుమారుడు కార్తీక్ రెడ్డి పెళ్ళి కూడా షంషా బాద్ గ్రౌండ్స్ లోనే జరిగింది. అయితే షంషా బాద్ గ్రౌండ్స్ హైదరాబాద్ సిటీకి 40 కిలోమీటర్ల దూరంలో ఉండటం వల్ల, అక్కడికి తన అభిమానులు రావటానికి ఇబ్బంది పడతారని యన్ టి ఆర్ ఆలోచిస్తున్నాడట. హైటెక్స్ లో తన పెళ్ళి చేసుకుంటే అందరికీ అందుబాటులో ఉంటుందని, కానీ వేలసంఖ్యలో వచ్చే తన అభిమానులు ఆ హైటెక్స్ లో సరిపోతారా...? వి ఐ పి లకు ఇబ్బందిగా ఉంటుందా అనే అనుమానాలు యన్ టి ఆర్ ని వేధిస్తున్నాయట.

 

అతని మామగారు మాత్రం అల్లుడు పెళ్ళి ఎక్కడ చేయమంటే అక్కడ, ఎలా చేయమంటే అలా, ఎంత ఖర్చుపెట్టమమటే అంతా ఖర్చుపెట్టేందుకు సిద్ధంగా ఉన్నారని వినికిడి. యన్ టి ఆర్ పెళ్ళికి సుమారు వంద కోట్లు ఖర్చు అవుతాయని అనుకుంటున్నారు.