చియాన్ విక్రమ్(Vikram)తంగలాన్' లాంటి యాక్షన్ అడ్వెంచర్ మూవీ తర్వాత 'వీరధీరశూర పార్ట్ 2(Veera Dheera Soora)తో ప్రేక్షకుల ముందుకు వచ్చాడు. యాక్షన్ థ్రిల్లర్ గా తెరకెక్కిన ఈ మూవీ మార్చి 27 న రిలీజ్ కాగా తెలుగుతో పాటు తమిళంలోను బాగుందనే టాక్ ని తెచ్చుకుంది. విక్రమ్ సరసన దుషారా విజయన్(Dushara Vijayan)జత కట్టగా ఎస్ జె సూర్య,(sj Surya)థర్టీ ఇయర్స్ పృథ్వీ, సూరజ్ వెంజరమోడు కీలక పాత్రలు పోషించారు.

ఇప్పుడు ఈ మూవీ ఓటిటి వేదికగా స్ట్రీమింగ్ కి సిద్దమయ్యింది. ఏప్రిల్ 24 నుంచి 'అమెజాన్ ప్రైమ్' వేదికగా తమిళంతో పాటు తెలుగు, హిందీ, మలయాళ, కన్నడ, హిందీ భాషల్లో అందుబాటులో ఉండనుంది. ఈ విషయాన్నీ సదరు సంస్థ అధికారకంగా ప్రకటించడంతో ఓటిటి మూవీ లవర్స్ కి సరికొత్త పండుగ వచ్చినట్లయింది. హెచ్ ఆర్ పిక్చర్స్ పతాకంపై రియాషిబు, షిబు తామీన్స్ 'వీరధీరశూర పార్ట్ 2 'ని నిర్మించగా 'ఎస్ యు అరుణ్ కుమార్' దర్శకుడుగా వ్యవహరించాడు. సుమారు 55 కోట్లరూపాయలతో నిర్మించిన ఈ చిత్రం 65 కోట్లు దాకా వసూలు చేసింది.

ఈ మూవీ కథ విషయానికి వస్తే రౌడీయిజాన్ని వదిలేసిన కాళీ తన భార్య బిడ్డలతో కలిసి ఒక చిన్న కిళ్ళీ షాప్ పెట్టుకొని ప్రశాంతంగా జీవిస్తుంటాడు. కాని గతంలో ఎవరి దగ్గర అయితే పని చేసాడో మళ్ళీ ఆ వ్యక్తి వచ్చి సూపరిండెంట్ ఆఫ్ పోలీస్ అరుణ గిరి ని చంపాలని చెప్తాడు. అందుకే కాళీ ఒప్పుకుంటాడు. పాత జీవితాన్ని వదిలేసిన కాళీ ఎందుకు అరుణ గిరి ని చంపటానికి ఒప్పుకున్నాడు? నిజంగానే ఎస్ పి ని చంపుతాడా? లేదా? అనేదే ఈ కథ. కాళీ క్యారక్టర్ లో విక్రమ్ మరోసారి తన కెరీర్ లో అత్యుత్తమ నటన కనపర్చాడు. అరుణ గిరి గా ఎస్ జె సూర్య కూడా ఏ మాత్రం ఎనర్జి తగ్గకుండా నటించాడు. ఈ మూవీకి పార్ట్ 1 కూడా ఉంది. మేకర్స్ ముందుగా పార్ట్ 1 రిలీజ్ చెయ్యకుండా పార్ట్ 2 రిలీజ్ చేసారు.