English | Telugu
'తండేల్'గా చైతన్య.. బర్త్ డే సర్ప్రైజ్ అదిరింది!
Updated : Nov 22, 2023
నాగ చైతన్య తన 23వ సినిమాని చందు మొండేటి దర్శకత్వంలో చేస్తున్న సంగతి తెలిసిందే. 'ప్రేమమ్', 'సవ్యసాచి' తర్వాత చైతన్య, చందు కాంబినేషన్ లో రూపొందుతోన్న మూడో చిత్రమిది. జీఏ2 పిక్చర్స్ బ్యానర్ పై బన్నీ వాసు ఈ చిత్రాన్ని నిర్మిస్తున్నారు. తాజాగా ఈ మూవీ టైటిల్ ని, ఫస్ట్ లుక్ ని రివీల్ చేశారు మేకర్స్.
గురువారం(నవంబర్ 23) చైతన్య పుట్టినరోజు సందర్భంగా తాజాగా ఈ సినిమా నుంచి సర్ ప్రైజ్ వచ్చింది. ముందు నుంచి ప్రచారం జరుగుతున్నట్లుగానే ఈ చిత్రానికి 'తండేల్' అనే టైటిల్ ను ఖరారు చేశారు. టైటిల్ తో పాటు ఈ మూవీ నుంచి చైతన్య ఫస్ట్ లుక్ ని కూడా రివీల్ చేశారు. పొడవాటి జుట్టు, గుబురు గడ్డంతో సముద్రంలో పడవ మీద తెడ్డు పట్టుకొని కూర్చొని ఉన్న చైతు మాస్ లుక్ ఆకట్టుకుంటోంది.
సాయి పల్లవి హీరోయిన్ గా నటిస్తున్న 'తండేల్' సినిమాకి దేవిశ్రీ ప్రసాద్ సంగీతం అందిస్తున్నాడు.