మెగాస్టార్ కుమార్తె శ్రీజ తన భర్త శిరీష్ భరద్వాజ మీద వరకట్నం కోసం తనను వేధిస్తున్నాడని సి సి యస్ పోలీసులకు ఫిర్యాదు చేసింది. వివరాల్లోకి వెళితే మూడేళ్ళ క్రితం తండ్రి ప్రముఖ సినీ హీరో, ప్రముఖ రాజకీయ నాయకుడు, మెగాస్టార్, పద్మభూషణ్, డాక్టర్ చిరంజీవి చిన్నకుమర్తె శ్రీజ తను ప్రేమించిన శిరీష్ భరద్వాజ కోసం తన కుటుంబాన్ని ఎదిరించి మరీ ప్రేమ వివాహం చేసుకుంది. ఆ దంపతులకు ఒక కుమార్తె కూడా జన్మించింది. ఆ పాప జన్మించిన సందర్భంలో మెగాస్టార్ కుటుంబం శ్రీజను దగ్గరకు తీసింది. ఆ తర్వాత ఇటీవల గత కొంత కాలంగా మెగాస్టార్ కుమార్తె శ్రీజ తన భర్త నుంచి దూరంగా ఉంటోందని తెలిసింది.

నిన్న అంటే మార్చ్ 14 వ తేదీన, మెగాస్టార్ కుమార్తె శ్రీజ తన భర్త తనను వరకట్నం కోసం వేధిస్తున్నాడని సి సి యస్ పోలీసులకు ఫిర్యాదు చేసింది. పోలీసులు ఈ విషయాన్ని ముందుగా లైట్ గా తీసుకున్నారు. కానీ మెగాస్టార్ కుమార్తె శ్రీజ ఒక సీల్డ్ పోలీసులకు అందజేసినట్లు తెలిసింది. ఆ సీల్డ్ కవర్ లో ఏముందనేది ఇంకా తెలియలేదు. ఈ వార్త రాత్రి 8 గంటల వరకూ శాటిలైట్ ఛానల్స్ లో మారుమ్రోగినా,  9 గంటల తర్వాత ఎందుకనో  అన్ని ఛానల్స్ ఒక్కసారిగా ఈ వార్తను ఆపేశాయి. మెగాస్టార్ తరపున అలా ఈ వార్త ప్రచారం కాకుండా మేనేజ్ చేసి ఉంటారని సినీజనం అంటున్నారు.  ఏది ఏమైనా వరకట్నం వేధింపుల సమస్య అనేది సాధారణ ఆడపిల్లకైనా, మెగాస్టార్ కూతురుకైనా సమానమేనని ఈ సంఘటనతో మరో సారి రుజువయ్యింది.