English | Telugu

చిరంజీవి లేకుండానే 'మెగా 156' షూట్ స్టార్ట్!

మెగాస్టార్ చిరంజీవి తన 156వ సినిమాని 'బింబిసార' ఫేమ్ మల్లిడి వశిష్ట దర్శకత్వంలో చేస్తున్న సంగతి తెలిసిందే. యూవీ క్రియేషన్స్ నిర్మిస్తున్న ఈ సోషియో ఫాంట‌సీ ఫిల్మ్ దసరా రోజున పూజా కార్యక్రమాలతో ఘనంగా ప్రారంభమైంది. త్వరలోనే ఈ సినిమా సెట్స్ పైకి వెళ్ళనుంది.

'మెగా 156' మూవీ రెగ్యులర్ షూటింగ్ నవంబర్ 23 నుంచి మొదలు కానుందని తెలుస్తోంది. అయితే చిరంజీవి మాత్రం కాస్త ఆలస్యంగా షూట్ లో జాయిన్ అవ్వనున్నారట. కొద్దిరోజుల పాటు మెగాస్టార్ లేని ఇతర నటుల సన్నివేశాలను చిత్రీకరిస్తారట. డిసెంబర్ లో చిరు షూట్ లో జాయిన్ కానున్నారని సమాచారం.

ఇక ఈ సినిమాకి 'విశ్వంభర' అనే టైటిల్ ని ఖరారు చేసినట్లు టాక్. రూ.200 కోట్లకు పైగా బడ్జెట్ తో రూపొందనున్నఈ చిత్రంలో రానా దగ్గుబాటి విలన్ గా నటించనున్నట్లు ఇండస్ట్రీ వర్గాల్లో వినిపిస్తోంది. అంతేకాదు ఈ సినిమా రెండు భాగాలుగా రానుందని ప్రచారం జరుగుతోంది.

ధురంధర్ కి 90 కోట్లు నష్టం.. పంపిణి దారుడు ప్రణబ్ కపాడియా వెల్లడి 

రణవీర్ సింగ్, అక్షయ్ ఖన్నా, సంజయ్ దత్, మాధవన్, ఆదిత్య దర్ ల 'ధురంధర్' విజయ పరంపర ఇండియన్ సిల్వర్ స్క్రీన్ పై ఇంకా యథేచ్ఛగా కొనసాగుతుంది. బహుశా అడ్డు కట్ట వేసే మరో చిత్రం ఇప్పట్లో వచ్చేలా లేదు. వచ్చినా ధురంధర్ ముందు ఏ మాత్రం నిలబడతాయో అనే సందేహం కూడా ట్రేడ్ వర్గాలతో పాటు మూవీ లవర్స్ లో వ్యక్త మవుతుంది. అంతలా 'ధురంధర్' కథనాలు అభిమానులు, ప్రేక్షకులని ఆకట్టుకుంటున్నాయి. రిపీట్ ఆడియన్స్ కూడా పెద్ద ఎత్తున వెళ్తుండటంతో బాక్స్  ఆఫీస్ వద్ద ఇప్పటికే 1100 కోట్ల రూపాయలని రాబట్టింది. మరి అలాంటి ధురంధర్ కి ఒక ఏరియా లో మాత్రం 90 కోట్ల రూపాయిల నష్టాన్ని చవి చూసింది.