ప్రిన్స్ సరసన మరోసారి సమంత హీరోయిన్ గా నటించబోతూందని తెలిసింది. వివరాల్లోకి వెళితే శ్రీ వెంకటేశ్వర క్రియేషన్స్ పతాకంపై, విక్టరీ వెంకటేష్, ప్రిన్స్ మహేష్ బాబు హీరోలుగా, "కొత్తబంగారు లోకం" ఫేం శ్రీకాంత్ అడ్డాల దర్శకత్వంలో దిల్ రాజు నిర్మిస్తున్న విభిన్నకథా చిత్రం "సీతమ్మ వాకిట్లో సిరిమల్లె చెట్టు". ఈ "సీతమ్మ వాకిట్లో సిరిమల్లె చెట్టు" చిత్రంలో హీరో వెంకటేష్ అన్నయ్యగా, మహేష్ బాబు ఆయన తమ్ముడిగా నటిస్తున్నారు. వెంకటేష్ సరసన "జర్నీ" ఫేం అంజలి హీరోయిన్ గా నటిస్తూంటే, మహేష్ బాబు సరసన సమంత హీరోయిన్ గా నటిస్తూంది.

మిక్కీ.జె.మేయర్ సంగీతం అందిస్తున్న ఈ "సీతమ్మ వాకిట్లో సిరిమల్లె చెట్టు" చిత్రం షూటింగ్ ప్రస్తుతం విశాఖపట్టణంలో జరుగుతూంది. అక్కడ రామకృష్ణా బీచ్, ఆంధ్రా యూనివర్సిటీ తదితర పరిసర ప్రాంతాల్లో ఈ"సీతమ్మ వాకిట్లో సిరిమల్లె చెట్టు"చిత్రం షూటింగ్ జరుగుతూంది. ఫిబ్రవరి 9 నుండి "సీతమ్మ వాకిట్లో సిరిమల్లె చెట్టు" చిత్రం షూటింగ్ లో ప్రిన్స్ మహేష్ బాబు కూడా పాల్గొంటారు.