ప్రిన్స్ మహేష్ బాబు తెలుగుతో పాటు తమిళ, మళయాళ సిని పరిశ్రమల మీద కూడా కన్నేశాడు. పూరీ జగన్నాథ్ దర్శకత్వంలో తను హీరోగా, కాజల్ అగర్వాల్ హీరోయిన్ గా నటిస్తున్న"ది బిజినెస్ మ్యాన్" చిత్రాన్ని తమిళ, మళయాళ భాషల్లో కూడా విడుదల చేయాలని సన్నాహాలు చేస్తున్నారట. "ది బిజినెస్ మ్యాన్" చిత్రం 2012 జనవరి 11 వ తేదీన ప్రపంచ వ్యాప్తంగా అత్యథిక ప్రింట్లతో విడుదల కానుంది.

"ది బిజినెస్ మ్యాన్" చిత్రంతోనే బాలీవుడ్ లోకి కూడా ప్రవేశించాలని ప్రిన్స్ మహేష్ బాబు సన్నాహాలు చేస్తున్నట్లు విశ్వసనీయ వర్గాల ద్వారా అందిన సమాచారం. ఈ "ది బిజినెస్ మ్యాన్" చిత్రంలో మహేష్ బాబు ఒక పాట కూడా పాడినట్లు తెలిసింది. ఇది "వై దిస్ కొలవరి కొలవరిడి" పాత లాగా బాగా ప్రజాదరణ పొందే అవకాశం ఉందని ఫిలిం నగర్ వర్గాలంటున్నాయి.