English | Telugu
జానీ మాస్టర్ కి బెయిల్
Updated : Oct 24, 2024
తోటి డాన్సర్ పై లైంగిక వేధింపుల కేసులో పోక్సో యాక్ట్ నమోదు కావడంతో జానీ మాస్టర్(jani master)రెండు వారాలుగా చంచల్ గూడ జైలులో ఉన్న విషయం తెలిసిందే.కొన్ని రోజుల క్రితం ధనుష్ హీరోగా వచ్చిన తిరు లోని మేఘం కురిసింది పాటకి జానీ మాస్టర్ కి నేషనల్ అవార్డు వచ్చింది. దీంతో అవార్డు అందుకోవడానికి ఢిల్లీ వెళ్లాలని బెయిల్ కోరుతూ జానీ మాస్టర్ పిటిషన్ వేసాడు. కోర్టు అందుకు సమ్మతించి బెయిల్ మంజూరు చేసింది. కానీ అవార్డు కమిటీ జానీ మాస్టర్ పై వస్తున్న లైంగిక ఆరోపణల దృష్ట్యా అవార్డుని నిలిపి వేసింది.
దీంతో జానీ మాస్టర్ తన బెయిల్ను రద్దు చేసుకుని జైలుకు వెళ్ళాడు. మళ్ళీ వెంటనే బెయిల్ కోసం మరోసారి అప్పీల్ చేయగా కేసు విచారణలో ఉన్న దృష్ట్యా బెయిల్ ఇవ్వలేమని కోర్టు బెయిల్ పిటిషన్ ని కొట్టివేసింది.కానీ ఇప్పుడు రీసెంట్ గా కోర్టు బెయిల్ మంజూరు చేసింది.కొన్ని షరతులతో కూడిన బెయిల్ మంజూరు చేసిన కోర్టు దేశం ధాటి వెళ్లకూడదని కూడా చెప్పినట్టుగా తెలుస్తుంది.