హృతిక్ రోషన్, సుజానే ఖాన్ పెయిర్ బాలీవుడ్ లో వన్ ఆఫ్ ది బెస్ట్ గా పేరు సంపాదించుకున్నారు. కానీ ఈ బంధం 2014లో విచ్ఛిన్నమైంది. ఇద్దరు పిల్లలున్న ఈ పెర్ఫెక్ట్ పెయిర్ మళ్లీ కలవాలని బాలీవుడ్ లో చాలా మంది కోరుకున్నారు. రీసెంట్ గా కంగనా ఇష్యూలో హృతిక్ కు సుజానే సపోర్ట్ ఇవ్వడంతో, ఇద్దరూ మళ్లీ కలిసే అవకాశం ఉందని అందరూ అనుకున్నారు. ఈ విషయం సుజాన్ వరకూ వెళ్లింది. దాంతో పూర్తి క్లారిటీ ఇచ్చేసింది. తాను, హృతిక్ మళ్లీ కలిసే అవకాశం లేదంటూ కుండ బద్ధలుగొట్టేసింది.

మేమిద్దరం మళ్లీ భార్యాభర్తలుగా ఉండటం కల్లే. కానీ మేం ఎప్పుడూ మంచి తల్లిదండ్రులుగా మాత్రం తప్పనిసరిగా ఉంటాం అంటూ తన ట్విట్టర్లో క్లారిటీ ఇచ్చేసింది సుజానే. తమ బిడ్డ హ్రిదాన్ పుట్టిన రోజున ఇద్దరూ కలిసి పిల్లలతో లంచ్ చేసి ఎంజాయ్ చేశారు. ఆ కారణంగానే వీరిద్దరూ మళ్లీ కలుస్తున్నారనే వార్తలు వచ్చాయి. తాజాగా సుజాన్ ఈ రూమర్స్ ను క్లియర్ చేసేయడంతో, హృతిక్ అభిమానులతో పాటు, బాలీవుడ్ కు కూడా క్లారిటీ వచ్చేసింది.