నేచురల్ స్టార్ నాని నటించిన లేటెస్ట్ మూవీ 'హాయ్ నాన్న'. ఈ రొమాంటిక్ ఫ్యామిలీ డ్రామా డిసెంబర్ 7న ప్రేక్షకుల ముందుకు వచ్చింది. అయితే క్లాస్ సినిమా కావడంతో నాని స్థాయికి తగ్గ ఓపెనింగ్స్ ని రాబట్టలేకపోయింది. అయినప్పటికీ సినిమాకి పాజిటివ్ టాక్ రావడం, కుటుంబ ప్రేక్షకులు సినిమా చూడటానికి ఆసక్తి చూపిస్తుండటంతో వసూళ్లు మూడో రోజు నుంచి పుంజుకున్నాయి. మొదటి రోజుతో పోలిస్తే మూడో రోజు, నాలుగో రోజు ఎక్కువ కలెక్షన్లు వచ్చాయి. ఇక ఐదో రోజైన సోమవారం కూడా మంచి వసూళ్లు రాబట్టి మండే టెస్ట్ పాస్ అయింది.

తెలుగు రాష్ట్రాల్లో మొదటి రోజు రూ.2.91 కోట్ల షేర్, రెండో రోజు రూ.2.04 కోట్ల షేర్, మూడో రోజు రూ.3.80 కోట్ల షేర్, నాలుగో రోజు రూ.4.16 కోట్ల షేర్ రాబట్టిన హాయ్ నాన్న మూవీ.. ఐదో రోజు సోమవారం అయినప్పటికీ రూ.1.34 కోట్ల షేర్ తో సత్తా చాటింది. దీంతో తెలంగాణ, ఆంధ్రప్రదేశ్ లో కలిపి ఐదు రోజుల్లో రూ.14.25 కోట్ల షేర్ వసూలు చేసింది. ఇక కర్ణాటక+రెస్టాఫ్ ఇండియా రూ.2.70 కోట్ల షేర్, ఓవర్సీస్ లో రూ.6.55 కోట్ల షేర్ కలిపి.. ఐదు రోజుల్లో వరల్డ్ వైడ్ గా రూ.23.50 కోట్ల షేర్ రాబట్టింది.

వరల్డ్ వైడ్ గా రూ.27.60 కోట్ల థియేట్రికల్ బిజినెస్ చేసిన హాయ్ నాన్న.. మొదటి రోజు రూ.5.51 కోట్ల షేర్, రెండో రోజు రూ.3.54 కోట్ల షేర్, మూడో రోజు రూ.5.70 కోట్ల షేర్, నాలుగో రోజు రూ.6.36 కోట్ల షేర్, ఐదో రోజు రూ.2.39 కోట్ల షేర్ తో.. ఐదు రోజుల్లో 85 శాతానికి పైగా రికవర్ చేసింది. బ్రేక్ ఈవెన్ సాధించాలంటే ఇంకా రూ.4 కోట్లకు పైగా షేర్ రాబట్టాల్సి ఉంది. డిసెంబర్ 22 వరకు భారీ సినిమాల విడుదల లేకపోవడం, వీక్ డేస్ లోనూ చెప్పుకోదగ్గ వసూళ్లు రాబడుతుండటంతో త్వరలోనే హాయ్ నాన్న బ్రేక్ ఈవెన్ సాధించే అవకాశముంది.