పవర్ స్టార్ పవన్ కళ్యాణ్(pawan kalyan)లిస్ట్ లో ఉన్న అప్ కమింగ్ మూవీస్ లో హరిహరవీరమల్లు కూడా ఒకటి. ఫస్ట్ టైం పవన్ చారిత్రక నేపధ్యం ఉన్న క్యారక్టర్  చేస్తుండంతో అభిమానులతో పాటు ప్రేక్షకుల్లోను వీరమల్లు పై భారీ అంచనాలే  ఉన్నాయి. రీసెంట్ గా ఈ మూవీ షూటింగ్ విజయవాడ సమీపంలో  వేసిన భారీసెట్లో ప్రారంభం అయ్యింది.ఇందులో పవన్ తో పాటు ప్రధాన తారాగణం మీద  కొన్ని కీలక సన్నివేశాలని చిత్రీకరిస్తున్నారు.ఇక మూవీ కూడా మార్చి 28 న వరల్డ్ వైడ్ గా రిలీజ్ కాబోతుందని మేకర్స్ అధికారకంగా కూడా ప్రకటించారు. 
 
విజయ్ దేవరకొండ(vijay devarakonda)ప్రస్తుతం జెర్సీ మూవీ ఫేమ్ గౌతమ్ తిన్ననూరి(gowtham tinnanuri)దర్శకత్వంలో ఒక మూవీ చేస్తున్నాడు. విడి 12 అనే వర్కింగ్ టైటిల్ తో తెరకెక్కుతున్న ఈ మూవీ మార్చి 28 న రిలీజ్ కాబోతుందనే విషయం అందరకి తెలిసిందే. ఈ మేరకు  ఫస్ట్ లుక్ రిలీజ్ టైంలోనే చిత్ర బృందం అధికారకంగా ప్రకటించింది.మరి ఇప్పుడు హరిహరవీరమల్లు కూడా మార్చి 28 న రిలీజ్ కాబోతుంది. దీంతో ఇప్పుడు ఈ డేట్ అత్యంత ప్రాధాన్యతని సంతరించుకుంది

కాకపోతే  ఫిలిం సర్కిల్స్ లో వినిపిస్తున్న టాక్ ప్రకారం,విడి 12(vd12)ని వేరే డేట్ కి పోస్ట్ పోన్ చేసే అవకాశం ఉందనే మాటలు వినిపిస్తున్నాయి.ఎందుకంటే పవన్ కి అత్యంత సన్నిహితంగా ఉండే నిర్మాత సూర్యదేవర నాగవంశీ(suryadevara nagavamsi)తన సితార ఎంటర్ టైన్ మెంట్స్(sitara entertainements)పై  విడి 12 ని నిర్మిస్తున్నాడు.  పవన్ తో భీమ్లా నాయక్ ని నాగ వంశీ  నిర్మించడమే కాకుండా పవన్ పిఠాపురం లో పోటీ చేసినప్పుడు పవన్ గెలుపు కోసం ఇంటింటికి తిరిగి ప్రచారం కూడా చేసాడు. మరి పవన్ తో అంత సాన్నిహిత్య సంబంధాలు కలిగి ఉన్న నాగవంశీ తన సినిమాని పోస్ట్ పోన్ చేసే అవకాశాలు ఎక్కువగానే ఉన్నాయనే  మాటలు వినిపిస్తున్నాయి.ఇందుకు విజయ్ దేవరకొండ కూడా గ్రీన్ సిగ్నల్ ఇచ్చే అవకాశాలు లేకపోలేదు. ఎందుకంటే వరుస ప్లాపులతో ఉన్న దేవరకొండ కి ఇప్పుడు హిట్ చాలా అవసరం. ఈ నేపథ్యంలో పవన్ తో పోటీకి దేవరకొండ దిగడని అంటున్నారు.