English | Telugu
గోపీచంద్ 'లౌక్యం'తో 'లక్ష్యం' చేరుతాడా..!
Updated : Sep 25, 2014
గోపీచంద్, రకుల్ ప్రీత్ సింగ్ హీరోహీరోయిన్లుగా, శ్రీవాస్ దర్శకత్వంలో చేస్తున్న సినిమా 'లౌక్యం'. 'లక్ష్యం' తర్వాత శ్రీవాస్, గోపీచంద్ కలయికలో వస్తున్న సినిమా ఇది. నిర్మాణంతర కార్యక్రమాలతో పాటు సెన్సార్ పూర్తి చేసుకున్న ఈ సినిమా సెప్టెంబర్ 26న ప్రపంచవ్యాప్తంగా విడుదలవుతుంది. గత కొంత కాలంగా వరుస పరాజయాలు ఎదుర్కొంటున్న గోపీచంద్ కి ఈ సినిమా తప్పక విజయాన్ని అందిస్తుందని అంటున్నాయి ఇండస్ట్రీ వర్గాలు. రొటీన్ మాస్ సినిమాలాగా కాకుండా ఓ మంచి కథను ఈ సినిమాను గోపీమోహన్, కోనవెంకట్ అందిచారట. అలాగే బ్రహ్మానందం కామెడీ ఈ సినిమాకి మెయిన్ హైలైట్ గా నిలుస్తుందని అంటున్నారు. సినిమాను చూసిన యూనిట్ సభ్యుల్లో ఒకరైన గోపిమోహన్ గారు తన సోషల్ నెట్ వర్కింగ్ సైట్ లో సినిమా గురించి చెపుతూ "'లౌక్యం' ఫస్ట్ కాపీ చూశాను, ఈ సినిమా గోపిచంద్ కెరీర్ లో బెస్ట్ మూవీగా నిలుస్తుంది" అని తెలిపారు.