విష్ణు వర్థన్ "దొరకడు" జనవరి 5 నుండి ప్రారంభమవుతుందని విశ్వసనీయవర్గాల ద్వారా అందిన సమాచారం. వివరాల్లోకి వెళితే శ్రీ లక్ష్మీప్రసన్నపిక్చర్స్ పతాకంపై, మంచు విష్ణువర్థన్ హీరోగా, హన్సిక హీరోయిన్ గా, జి.నాగేశ్వరరెడ్డి దర్శకత్వంలో, మంచు లక్ష్మీ ప్రసన్న నిర్మిస్తున్న విభిన్నకథా వినోదాత్మక చిత్రం" దొరకడు". ఈ చిత్రం యాక్షన్ తో పాటు పూర్తి ఎంటర్ టైనర్ గా కూడా ఉంటుందని సమాచారం. ఈ "దొరకడు" చిత్రానికి చక్రి సంగీతాన్ని అందిస్తున్నట్లు తెలిసింది. ఈ "దొరకడు" చిత్రానికి ప్రముఖ సినీ కథా రచయిత కోన వెంకట్ కథనందిస్తున్నారు.

హీరో విష్ణువర్థన్ ఇటీవలే ఇద్దరు ఆడపిల్లల (కవలలు)కు తండ్రి అయ్యాడు. బిడ్డొచ్చిన వేళ, గొడ్డొచ్చిన వేళ అని పెద్దలంటూంటారు. మరి తనకు కూతుర్లు పుట్టిన టైం బాగుండి ఈ "దొరకడు" కచ్చితంగా సూపర్ హిట్టవుతుందని ఫిలిం నగర్ వర్గాలంటున్నాయి. ఒక విధంగా విష్ణు కంటే అతని తమ్ముడు మనోజ్ ఈ సంవత్సరం "మిస్టర్ నోకియా", "ఊకొడతారా ఉలిక్కి పడతారా" అంటూ రెండు సినిమాలతో వస్తున్నాడు. జనవరి 5 వ తేదీన ప్రారంభించబోయే ఈ "దొరకడు"రానున్న వేసవి శలవులకు విడుదలవుతుందని తెలిసింది.