English | Telugu
నాగచైతన్య దడ ఆగస్టులో రిలీజ్
Updated : Jun 7, 2011
నాగచైతన్య "దడ" ఆగస్టులో రిలీజ్ కానుందని ఈ చిత్ర నిర్మాత డి.శివప్రసాద రెడ్డి మీడియాకు తెలియజేశారు. వివరాల్లోకి వెళితే కామాక్షీ కళా మూవీస్ పతాకంపై, యువ హీరో నాగచైతన్య హీరోగా, కాజల్ అగర్వాల్ హీరోయిన్ గా, అజయ్ భూయాన్ అనే నూతన యువకుణ్ణి దర్శకుడిగా పరిచయం చేస్తూ, డి.శివప్రసాదరెడ్డి నిర్మిస్తున్న చిత్రం "దడ". నాగచైతన్య "దడ" సినిమా భారీ షెడ్యూల్ షూటింగ్ బ్యాంకాక్, మనీలాలో జరిగింది. అక్కడ ఒక యాక్షన్ ఎపిసోడ్ ని అక్కడి ఫైట్ మాస్టర్ పర్యవేక్షణలో చిత్రీకరించారు.
ఈ సినిమాలో నాగచైతన్య ఒక కొత్త లుక్ తో కొత్త బాడీ లాంగ్వేజ్ తో కనపడతాడు. నాగచైతన్య "దడ" సినిమా యు.యస్.ఎ.నేపథ్యంలో జరిగే కథ కాబట్టి మరో షెడ్యూల్ ని యూరప్ లో ప్లాన్ చేస్తున్నారు. అక్కడ ఈ సినిమాలోని రెండు పాటలను చిత్రీకరిస్తారు. ఇప్పటికే నాగచైతన్య "దడ" సినిమాలోని నాలుగు పాటలను చిత్రీకరించారు. మిగిలిన షూటింగంతా పూర్తిచేసుకుని ఈ చిత్రం ఆడియోని జూన్ నెలాఖరులో విడుదల చేస్తారు. నాగచైతన్య "దడ" సినిమాని మాత్రం ఆగస్టులో విడుదల చేయటానికి ఈ చిత్ర నిర్మాత సన్నాహాలు చేస్తున్నారు.