యన్.టి.ఆర్. "దమ్ము" ఆడియో మార్చిలో విడుదల కానుంది. వివరాల్లోకి వెళితే క్రియెటీవ్ కమర్షియల్స్ పతాకంపై, యంగ్ టైగర్ యన్.టి.ఆర్. హీరోగా, త్రిష, కార్తీక నాయర్ హీరోయిన్లుగా, బోయపాటి శీను దర్శకత్వంలో, యువ డైనమిక్ నిర్మాత అలెగ్జాండర్ వల్లభ నిర్మిస్తున్న చిత్రం"దమ్ము". ఈ యన్.టి.ఆర్. "దమ్ము" చిత్రానికి తమన్ సాయి సంగీతాన్ని అందిస్తున్నారు. ప్రస్తుతం యన్.టి.ఆర్. "దమ్ము" చిత్రం షూటింగ్ ప్రస్తుతం పొల్లాచ్చిలో జరుగుతూంది.

ఇప్పటికే ఈ "దమ్ము" చిత్రం సెన్సేషనల్ బిజినెస్ అవుతూందని సినీ వర్గాలంటుండగా, ఈ చిత్రం యొక్క ఆడియోని మార్చ్ నెల తొలి వారంలో విడుదల చేయటానికి ఈ చిత్ర నిర్మాత సన్నాహాలు చేస్తున్నారు. ఈ చిత్రాన్ని మార్చి చివరి వారంలో విడుదల చేసే అవకాశాలున్నాయి.