చంద్ర సిద్ధార్థ కొత్త సినిమాలో వింత ఒకటుంది. ఇంతకీ ఈ చంద్ర సిద్ధార్థ ఎవరంటే గతంలో "ఆ నలుగురు" వంటి సామాజిక స్పృహ కలిగిన సినిమాతో తెలుగు సినీ పరిశ్రమలోకి దర్శకుడిగా ప్రవేశించారు. తన తొలి చిత్రంతోనే చంద్ర సిద్ధార్థ అత్యంత ప్రతిష్టాత్మకమైన మన రాష్ట్ర ప్రభుత్వం ఇచ్చేనంది అవార్డు సంపాదించారు. ఆ తర్వాత చంద్ర సిద్ధార్థ "మధుమాసం", "అందరి బంధువయా'' వంటి చిత్రాలకు దర్శకత్వం వహించారు. అలాంటి చంద్ర సిద్ధార్థ ఒక కొత్త చిత్రానికి దర్శకత్వం వహించబోతున్నారు. ఈ కొత్త చిత్రానికి చంద్ర సిద్ధార్థ వింతైన పేరుని నిర్ణయించారు.

ఈ చిత్రానికి "ఈ పాట కోరినవారు గంభీరరావు పేట గంగపుత్ర కాలనీ నుంచి రాము, జ్యోత్స్న, రవి, మురళి, కిరణ్, చందు మొదలగువారు" అన్న అతి పొగుడైన పేరుని నిర్ణయించటం సినీపరిశ్రమలో వింతగా చెప్పుకుంటున్నారు. చంద్ర సిద్ధార్థ తీయబోయే ఈ సినిమా పేరు కచ్చితంగా గిన్నీస్ బుక్ ఆఫ్ వరల్డ్ రికార్డ్స్ లో నమోదువుతుందని సినీ పరిశ్రమలోని అందరి అభిప్రాయం. ఈ పొడుగైన పేరున్న చిత్రానికి గతంలో "పెళ్ళైన కొత్తలో", "ప్రవరాఖ్యడు", "గుండెఝల్లుమంది" వంటి చిత్రాలకు దర్శకత్వం వహించిన మదన్ సంభాషణలను వ్రాస్తున్నారు.