English | Telugu
బి.ఎ.రాజుకి జన్మదిన శుభాకాంక్షలు
Updated : Jan 7, 2012
బి.ఎ.రాజుకి జన్మదిన శుభాకాంక్షలు. సినీ పరిశ్రమలో ఒక సామాన్య విలేఖరిగా తన జీవితాన్ని ప్రారంభించిన బి.ఎ.రాజు అంచలంచెలుగా ఎదిగి "సూపర్ హిట్" పత్రిక అధిపతిగా, నిర్మాతగా మారారు. అందరికీ తలలో నాలుకగా ఉంటూ, తాను పి.ఆర్.ఒ.గా పనిచేసే సినిమాని ప్రమోట్ చేయటంలో బి.ఎ.రాజుని మించిన వారు లేరంటే అది అతిశయోక్తి కాదు. తెలుగు సినీ పరిశ్రమలో ఈ రోజున చిన్న, పెద్ద నిర్మాతలందరికీ అవసరమైన పేరు బి.ఎ.రాజు. మనసున్న మంచి మనిషిగా, స్నేహశీలిగా బి.ఎ.రాజుకి తెలుగు సినీ పరిశ్రమలో పేరుంది.
అందుకనే యువరత్న నందమూరి బాలకృష్ణ, యంగ్ టైగర్ యన్.టి.ఆర్., ప్రిన్స్ మహేష్ బాబు వంటి అనేకమంది హీరోలకూ, అన్నపూర్ణ స్టుడియోస్, ఆర్ ఆర్ మూవీ మేకర్స్ వంటి అనేక ప్రముఖ నిర్మాణ సంస్థలకీ బి.ఎ.రాజు పి.ఆర్.ఒ. అంతే కాది ఆయన నిర్మాతగా "చంటిగాడు, ప్రేమలో పావనీ కళ్యాణ్, గుండమ్మగారి మనవడు" వంటి చిత్రాలను నిర్మించారు.
ఆయన ప్రస్తుతం రాకింగ్ స్టార్ ఆది హీరోగా, శాన్విని హీరోయిన్ గా పరిచయం చేస్తూ,లేడీ డైనమిక్ డైరెక్టర్ బి.జయ దర్శకత్వంలో "లవ్ లీ" అనే చిత్రాన్ని నిర్మిస్తున్నారు. ఈ చిత్రం షూటింగ్ నిమిత్తం కేరళ వెళ్ళిన బి.ఎ.రాజు గారికి తెలుగువన్ జన్మదిన శుభాకాంక్షలు తెలియజేస్తోంది.