English | Telugu
"గోవింద గానామృతం" ఆడియో రిలీజ్
Updated : Jan 7, 2012
"గోవింద గానామృతం" ఆడియో రిలీజ్ అయ్యింది. వివరాల్లోకి వెళితే గతంలో "చెలియా" అనే ఆల్బమ్ ని తయారుచేసిన యువ సంగీత దర్శకుడు రాజీవ్ తన మలి ప్రయత్నంగా "గోవింద గానామృతం" అనే భక్తిరస గీతాల సి.డి.ని తయారుచేశారు. జనవరి 5 వ తేదీన, ముక్కోటి ఏకాదశి పర్వదినం సందర్భంగా, ప్రముఖ సినీ నిర్మాత దిల్ రాజు చేతుల మీదుగా ప్రముఖ సినీ దర్శకుడు వి.యన్.ఆదిత్య అందుకోగా ఈ "గోవింద గానామృతం" భక్తి సి.డి. మార్కెట్లోకి విడుదల చేయబడింది.
ఈ "గోవింద గానామృతం" ఆడియో విడుదలకు ప్రముఖ దర్శకులు మధుర శ్రీధర్ రెడ్డి, ప్రముఖ సినీ గీత రచయిత సిరాశ్రీ తదితరులు హాజరయ్యారు. రాజీవ్ చేసిన ఈ "గోవింద గానామృతం" చాలా బాగుందనీ, అతను భవిష్యత్తులో మంచి సినీ సంగీత దర్శకుడై రాణించాలనీ ఆహూతులంతా ఆకాంక్షించారు.