తమిళంలో విజయ్ హీరోగా, అనుష్క హీరోయిన్ గా,బాబూ శివన్ దర్శకత్వంలో నిర్మించబడిన "వేట్టై కారన్" అనే సినిమాని తెలుగులో "పులివేట" పేరుతో విడుదల చేయటానికి కళాదర్శకుడు యమ్ వి గోపాలరావు సన్నాహాలు చేస్తున్నారు. ఈ చిత్రం తమిళంలో విడుదలై 70 కోట్ల భారీ మొత్తాన్ని వసూలు చేసింది.విజయ్ ఆంథోనీ ఈ "పులివేట" చిత్రానికి చక్కని సంగీతాన్నందించారు.ఈ "పులివేట" చిత్రంలో ప్రముఖ నటుడు రియల్ స్టార్ శ్రీహరి నిజాయితీ కలిగిన పోలీసాఫీసర్ గా, షాయాజీ షిండే, గౌస్ తదితరులు నటించారు.ఇటీవల విడుదలైన ఈ "పులివేట"చిత్రం తెలుగు వెర్షన్ ఆడియోకి ప్రేక్షకుల నుండి చక్కని స్పందన లభిందని ఈ చిత్ర నిర్మాత గోపాలరావు మీడియాకు తెలిపారు.ఈ "పులివేట" చిత్రానికి తెలుగులో శశాంక్ వెన్నెలకంటి మాటలు వ్రాస్తున్నారు.ఈ చిత్రానికి భువనచంద్ర, వెన్నెలకంటి, వనమాలి పాటలు వ్రాస్తుండగా,వి టి విజయన్ ఎడిటింగ్ నిర్వహించారు.ఈ చిత్రాన్ని మార్చి తోలి వారంలో విడుదల చేయటానికి సన్నాహాలు చేస్తున్నారు.
