వెంకీ సరసన అంజలి హీరోయిన్ గా నటించనుందని విశ్వసనీయవర్గాల ద్వారా అందిన సమాచారం. వివరాల్లోకి వెళితే శ్రీ వెంకటేశ్వర క్రియేషన్స్ పతాకంపై, విక్టరీ వెకటేష్ , ప్రిన్స్ మహేష్ బాబు అన్నదమ్ములుగా నటిస్తూండగా, శ్రీకాంత్ అడ్డాల దర్శకత్వంలో, దిల్ రాజు నిర్మిస్తున్న చిత్రం "సీతమ్మవాకిట్లో సిరిమల్లె చెట్టు". ఈ చిత్రంలో హీరో వెంకటేష్ సరసన హీరోయిన్ గా అంజలి నటించనుంది.

ఈ అంజలి తమిళంలో వచ్చిన "ఎంగేయం ఎప్పోదుం" (తెలుగులో "జర్నీ") చిత్రంలో హీరోయిన్ గా నటించింది. ఇక ప్రిన్స్ మహేష్ బాబు సరసన సమంత హీరోయిన్ గా నటించనుంది. మహేష్ బాబు, సమంత కలసి నటించిన "దూకుడు" సూపర్ డూపర్ హిట్టయిన సంగతి ప్రేక్షకులకు తెలిసిందే. మరి ఈ "సీతమ్మవాకిట్లో సిరిమల్లె చెట్టు" ఇంకెంత పెద్ద హిట్టవుతుందో వేచి చూడాలి.