'పుష్ప2' వంటి గ్రాండ్‌ సక్సెస్‌ తర్వాత అల్లు అర్జున్‌ చేయబోతున్న సినిమాపై ఇప్పటి నుంచే భారీ ఎక్స్‌పెక్టేషన్స్‌ ఏర్పడుతున్నాయి. అట్లీ కాంబినేషన్‌లో బన్నీ చేస్తున్న ఈ సినిమా భారీ స్థాయిలో ఉండబోతోంది. ఈ సినిమాకి సంబంధించిన అరుదైన విశేషం ఏమిటంటే.. ఇందులో అల్లు అర్జున్‌ మూడు విభిన్నమైన పాత్రల్లో కనిపించబోతున్నారు.

ఈ సినిమా షఉటింగ్‌ చాలా ఫాస్ట్‌గా జరుగుతోంది. హై టెక్నికల్‌ వేల్యూస్‌తో, మోడ్రన్‌ టెక్నాలజీతో ఒక సరికొత్త ప్రపంచాన్ని ప్రేక్షకులకు చూపించబోతున్నారు అట్లీ. అల్లు అర్జున్‌ తన కెరీర్‌లోనే మొదటిసారి మూడు విభిన్నమైన పాత్రల్లో కనిపించబోతున్నారు. మూడు ప్రపంచాలకు సంబంధించిన కథగా ఈ సినిమా ఉండబోతోంది. అట్లీ ఊహించిన దానికంటే ఎక్కువగా బన్నీ పెర్‌ఫార్మ్‌ చేస్తున్నారని తెలుస్తోంది. ఎంతో కేర్‌ఫుల్‌గా అట్లీ డిజైన్‌ చేసిన ఒక ఏజ్డ్‌ క్యారెక్టర్‌ కూడా అందులో ఉంది. ఆ పాత్రను అల్లు అర్జున్‌ తనదైన స్టైల్‌లో అద్భుతంగా పోషిస్తున్నారని తెలుస్తోంది. రెండోసారి ఉత్తమ నటుడిగా నేషనల్‌ అవార్డు అందుకునే రేంజ్‌లో అతని పెర్‌ఫార్మెన్స్‌ ఉందని యూనిట్‌ వర్గాల ద్వారా అందుతున్న సమాచారం.

ఆ గెటప్‌, ఆ క్యారెక్టర్‌ ఈ సినిమాకి వెరీ స్పెషల్‌ కాబోతోంది. సినిమా రిలీజ్‌ వరకు ఆ క్యారెక్టర్‌ని సస్పెన్స్‌లోనే ఉంచాలని డిసైడ్‌ అయ్యారు. అల్లు అర్జున్‌, అట్లీ ప్రత్యేకంగా ఆ క్యారెక్టర్‌పైనే ఎక్కువ ఫోకస్‌ పెట్టారని తెలుస్తోంది. దానికోసం ఎఐ సహకారం కూడా తీసుకుంటున్నారు. అలాగే విజువల్‌ ఎఫెక్ట్స్‌ కోసం ప్రపంచ స్థాయి కంపెనీలు పనిచేస్తున్నాయి. ఈ సినిమాతో అల్లు అర్జున్‌ మరోసారి తన నట విశ్వరూపాన్ని చూపించేందుకు సిద్ధమవుతున్నారని సమాచారం.