English | Telugu
అల్లరోడికి దెబ్బడిపోయింది
Updated : Feb 21, 2015
'మూలిగే నక్కపై తాటికాయ్ పడినట్టుంది మన అల్లరి నరేష్ పరిస్థితి. అసలే హిట్లు లేవు. ఆ మాట విని అయ్యగారికి చాలాకాలం అయ్యింది. ఎంత కామెడీ చేసినా జనం నవ్వడం లేదు. ఇప్పుడాయన నిర్మాతగానూ మారాడు.... బందిపోటుతో. ఫలితం శూన్యం. తొలిరోజే ఈ సినిమా డిజాస్టర్ టాక్ తెచ్చుకొంది. నరేష్కి ఉన్న మినిమం గ్యారెంటీ హీరో ట్యాగ్ లైన్ ఈ సినిమాతో మటాష్ అయిపోయినట్టే. ఎందకంటే ఈ సినిమాని ఎవ్వరూ కొనలేదు. బయ్యర్లు అల్లరోడి సినిమాని కొనడానికి ధైర్యం చేయలేకపోయారు. ఆఖరికి శాటిలైట్ కి కూడా అమ్ముడు పోలేదు. నరేష్ ఓవర్ కాన్పిడెన్స్ కొద్దీ..`ఈ సినిమా రిలీజ్ అయ్యాక చూసుకొందాంలే.. అప్పుడు మంచి రేటు వస్తుంది` అని.. ఎవ్వరికీ ఇవ్వలేదు. అంతేకాదు.. చాలా ఏరియాల్లో సొంతంగా రిలీజ్ చేసుకొన్నాడు. తొలి రోజు 50 శాతం ఆక్యుపెన్సీ కూడా కనిపించలేదు. దాంతో.. నరేష్ కి ఫుల్లుగా మడతడిపోయింది. హీరోగా, నిర్మాతగా రెండు విధాలా లాసైపోయాడు. శనివారం వసూళ్లు ఓ మాదిరిగా ఉంటాయ్. ఆదివారం ఇండియా - సౌతాఫ్రికా వరల్డ్ కప్ మ్యాచ్ ఉంది. సో.. మార్నింగ్ షో, మ్యాట్నీలు ఔట్. ఈలోగా టాక్ బాగా స్ప్రెడ్ అయిపోతే.. బందిపోటు సోమవారం నుంచి థియేటర్లలో కనపడని ప్రమాదం పొంచి ఉంది. సో బ్యాడ్ లక్ నరేష్.