ఆది "ఏకవీర" కథేంటి అంటే 18 వ శతాబ్దానికి చెందిన కథట ఇది. వివరాల్లోకి వెళితే 18 వ శతాబ్దంలో అప్పటి బ్రిటీష్ పాలకులు తెచ్చిన చట్టం అప్పటి ప్రజలను ఎంతగా ఇబ్బంది పెట్టిందో, దానికి దొంగతనం వృత్తిగా బ్రతికే జాతికి చెందిన యువకుడు ఎలా తిరగబడ్డాడో ఆ తర్వాత ఏం జరిగిందన్నది ఈ "ఏకవీర" చిత్రం కథ. ఈ చిత్రం హీరో ఆది మన తెలుగబ్బాయే అయినా తమిళంలో పేరున్న హీరో. అతను నటించే సినిమాల కథలు చాలా విభిన్నంగా ఉంటాయి.

ఉదాహరణకి "మృగం" సినిమా తీసుకుంటే అలాంటి కథని మన యువ హీరోలెవరూ అంగీకరించరు. అలాగే "వైశాలి" సినిమా కూడా చాలా విభిన్నమైన కథతో తీశారు. ఇక ఈ "ఏకవీర" చిత్రంలో హీరో ఆది గెటప్, కాస్ట్యూమ్స్, హెయిర్ స్టైల్ ఇలా అన్నీ విభిన్నంగానే ఉండటం విశేషం. ఈ "ఏకవీర" కచ్చితంగా హిట్టవుతుందని ఈ చిత్రం యూనిట్ చాలా నమ్మకంతో ఉంది.