English | Telugu
తెలుగునాట వార్-2 బెనిఫిట్ షోలు.. మొదటి రోజు మాస్ జాతరే!
Updated : Aug 8, 2025
ఇండియన్ సినిమాలో రూపొందిన బిగ్గెస్ట్ మల్టీస్టారర్స్ లో ఒకటి 'వార్-2'. జూనియర్ ఎన్టీఆర్, హృతిక్ రోషన్ ప్రధాన పాత్రలు పోషించిన ఈ యాక్షన్ థ్రిల్లర్ పై అంచనాలు తారాస్థాయిలో ఉన్నాయి. ఆగస్టు 14న విడుదల కానున్న ఈ మూవీ.. నార్త్ ఇండియా, సౌత్ ఇండియా, ఓవర్సీస్ అనే తేడా లేకుండా అన్ని చోట్లా భారీ వసూళ్లు రాబడుతుందని ట్రేడ్ వర్గాలు అంచనా వేస్తున్నాయి. ఎన్టీఆర్ నటించడంతో తెలుగు రాష్ట్రాల్లో డబ్బింగ్ సినిమాల వసూళ్ల పరంగా సరికొత్త రికార్డులు నమోదవ్వడం ఖాయమనే అంచనాలు ఉన్నాయి. (War 2)
'వార్-2'ను తెలుగునాట సితార ఎంటర్టైన్మెంట్స్ విడుదల చేస్తోంది. తెలుగు రాష్ట్రాల థియేట్రికల్ రైట్స్ కోసం సితార సంస్థ రూ.80 కోట్లకు పైగా చెల్లించినట్లు తెలుస్తోంది. ఎన్టీఆర్ గత చిత్రం 'దేవర'ను కూడా తెలుగునాట సితారే విడుదల చేసి, మంచి లాభాలను పొందింది. అదే ఉత్సాహంతో ఇప్పుడు 'వార్-2'ని కూడా భారీస్థాయిలో విడుదల చేస్తోంది. తెలుగు రాష్ట్రాల్లో తెల్లవారుజామున 4 గంటల నుంచే షోలు ప్లాన్ చేస్తున్నారట. పాజిటివ్ టాక్ వస్తే.. ఈ సినిమా సంచలన ఓపెనింగ్స్ రాబట్టడం ఖాయం.
'వార్-2' తెలుగు ప్రీ రిలీజ్ ఈవెంట్ ను ఆదివారం(ఆగస్టు 10) హైదరాబాద్ లో నిర్వహించడానికి సన్నాహాలు చేస్తున్నారు. ఈ వేడుకకు ఎన్టీఆర్, హృతిక్ హాజరు కానున్నారు. బుకింగ్స్ కూడా ఆదివారం నాడే ఓపెన్ కానున్నాయి.