English | Telugu
సనాతన ధర్మం గొప్పతనాన్ని తెలిపే చిత్రం 'వారణాసి'.. ఆ స్టార్ హీరో, డైరెక్టర్ ఎవరు?
Updated : Nov 2, 2025
సూపర్ స్టార్ మహేష్ బాబు, దర్శకధీరుడు రాజమౌళి కాంబినేషన్ లో రూపొందుతోన్న భారీ యాక్షన్ అడ్వెంచర్ ఫిల్మ్ కి 'వారణాసి' అనే టైటిల్ పరిశీలనలో ఉన్నట్లు ఇటీవల వార్తలొచ్చిన సంగతి తెలిసిందే. అయితే ఇప్పుడు 'వారణాసి' టైటిల్ తో తెలుగులో ఓ మూవీ రూపొందుతోంది. ఈ సినిమాకి ఓ స్టార్ హీరో, స్టార్ డైరెక్టర్ పని చేస్తుండటం ఆసక్తికరంగా మారింది.
సనాతన ధర్మం గొప్పదనాన్ని తెలియజేస్తూ రామభక్త హనుమా క్రియేషన్స్ బ్యానర్లో తెరకెక్కుతోన్న చిత్రం ‘వారణాసి’. ‘రఫ్’ చిత్ర దర్శకుడు సుబ్బారెడ్డి ఈ చిత్రాన్ని రూపొందిస్తున్నారు. త్వరలోనే గ్రాండ్ లాంచ్ తో ఈ మూవీని ప్రారంభించబోతున్నట్టు మేకర్స్ తెలియజేశారు.
Also Read: ప్రశాంత్ వర్మ బ్యాడ్ టైం.. ఆగిపోయిన ప్రభాస్ ప్రాజెక్ట్..!
ఇటీవల రిలీజ్ చేసిన టైటిల్ అనౌన్స్మెంట్ పోస్టర్ సినిమాపై ఆసక్తిని పెంచింది. సనాతన ధర్మం ఎంత గొప్పదో తెలియజేస్తూ కమర్షియల్ ఎలిమెంట్స్తో ఈ చిత్రాన్ని రూపొందిస్తున్నారు. ఈ చిత్రంలో ఒక స్టార్ హీరో నటిస్తుండగా, ఓ స్టార్ డైరెక్టర్ స్క్రీన్ప్లే అందిస్తున్నారు. దీంతో ఆ స్టార్ హీరో, డైరెక్టర్ ఎవరనే చర్చ జరుగుతోంది.
భారతదేశంలో అతి పవిత్ర ప్రదేశమైన వారణాసి పుణ్యక్షేత్రంలోనే షూటింగ్ మొత్తం జరుగుతందని దర్శకుడు సుబ్బారెడ్డి తెలియజేశారు. ఈ చిత్రానికి సంబంధించిన సాంకేతిక నిపుణులు, నటీనటుల వివరాలతో త్వరలో మీ ముందుకు వస్తామని రామభక్త హనుమా క్రియేషన్స్ సంస్థ తెలియజేసింది.