English | Telugu
జగపతిబాబు ఫాదర్ విబి రాజేంద్ర ప్రసాద్ ఇక లేరు
Updated : Jan 12, 2015
ప్రముఖ దర్శకుడు, నిర్మాత విబి రాజేంద్ర ప్రసాద్ ఇక లేరు. గత కొంతకాలంగా అనారోగ్యంతో బాధపడుతున్న ఆయన సోమవారం రాత్రి తుదిశ్వాస విడిచారు. ప్రముఖ తెలుగు సినీ నటుడు జగపతిబాబు తండ్రే ఈ వీబీ రాజేంద్రప్రసాద్. తనయుడు జగపతిబాబు పేరు మీదనే ‘జగపతి ఆర్ట్ పిక్చర్స్’ బ్యానర్ని స్థాపించి, ఆ బ్యానర్పై పలు విజయవంతమైన చిత్రాల్ని రాజేంద్రప్రసాద్ నిర్మించారు. ఆయన 1932, నవంబర్ 4న కృష్ణా జిల్లా గుడివాడలో జన్మించారు. రాజేంద్రప్రసాద్ 1965లో నిర్మించిన అంతస్తులు సినిమాకు (ఉత్తమ చిత్రం) జాతీయ అవార్డు మరియు ఫిలిం ఫేర్ అవార్డు కూడా అందుకొన్నారు. ఆ తరువాత 1966లో నిర్మించిన ఆస్తిపరులు సినిమాకు మళ్ళీ ఫిలిం ఫేర్ అవార్డు అందుకొన్నారు. ప్రతిష్టాత్మకమయిన రఘుపతి వెంకయ్య అవార్డు, కెవి రెడ్డి అవార్డు కూడా అందుకొన్నారు.ఆయన ఆరాధన, ఆత్మబలం, అంతస్తులు, అదృష్టవంతులు, దసరాబుల్లోడు, సింహ స్వప్నం మొదలయిన 16సినిమాలను స్వయంగా నిర్మించారు. దసరా బుల్లోడు, బంగారు బాబు, భార్య బర్తల బంధం, బంగారు బొమ్మలు, మంచి మనసులు వంటి సూపర్ హిట్ సినిమాలకు దర్శకత్వం వహించారు.