English | Telugu
తమన్నాతో మొదటిసారి
Updated : Jun 28, 2014
బాహుబలికి తమన్నా అదనపు ఆకర్షణగా నిలుస్తుందంటున్నారు రాజమౌళి. కొంత విరామం తర్వాత సోమవారం నుంచి బాహుబలి చిత్ర యూనిట్ షూటింగ్ మొదలు పెట్టిన సంగతి తెలిసిందే. ఈ సారి షెడ్యూల్ లో తమన్నా, ప్రభాస్ మధ్య కొన్ని సన్నివేశాలు చిత్రీకరిస్తున్నారు. ఇందు కోసం అన్నపూర్ణ 7 ఎకర్స్ స్టూడియోలో సెట్ కూడా నిర్మించారు. తొలిసారి తమన్నాతో పనిచేయడం చాలా బాగుందని, తమన్నా పర్ఫార్మన్స్ చూసి బాగా ఇంప్రెస్ అయ్యానంటున్నారు బాహుబలి దర్శకుడు రాజమౌళి. అన్నపూర్ణ 7 ఎకర్స్లో షెడ్యూల్ పూర్తి చేసుకుంటున్న బాహుబలి యూనిట్ సోమవారం నుంచి రామోజీ ఫిలిం సిటీకి తరలనున్నట్టు రాజమౌళి తెలిపారు. మగధీరాలో హీరోయిన్ పాత్రకు ముందుగా తమన్నాను సంప్రదించి తదుపరి కాజల్ ని ఓకే చేశారని చెబుతుంటారు. అలా అప్పుడు మిస్ అయిన తమన్నా, రాజమౌళి దర్శకత్వంలో ఈ ప్రాజెక్టులో పని చేయగలుగుతున్నందుకు చాలా సంతోషంగా వున్నట్లు తెలుస్తోంది. ఆమె ఈ చిత్రంలో ప్రభాస్ సరసన కథానాయికగా నటిస్తున్న సంగతి తెలిసిందే. బాహుబలిలో ప్రభాస్ డ్యుయల్ రోల్స్ చేస్తుండగా, అందులో ఒక పాత్రకు తమన్న నాయికగా నటిస్తోంది. మరో పాత్రకు నాయికగా అనుష్క నటిస్తోంది.