English | Telugu
అప్పుడే సంవత్సరం అయ్యిందా కృష్ణ గారు
Updated : Nov 15, 2023
తనకి మాత్రమే సాధ్యమయ్యే నటనతో కొన్ని కోట్ల మంది హృదయాల్లో చెరగని ముద్రవేసుకున్న నటుడు సూపర్ స్టార్ కృష్ణ. నటుడిగానే కాకుండా దర్శకుడుగా, నిర్మాతగా, స్టూడియో అధినేతగా కృష్ణ గారు సృష్టించిన ప్రభంజనం ప్రస్తుతం నడుస్తున్న సినీ యుగానికి ఒక దిక్సుచి లాంటిది. సుమారు 330 కి పైగా చిత్రాల్లో నటించిన కృష్ణ గారు గత సంవత్సరం ఇదే రోజున తెలుగు ప్రజల్ని శోక సంద్రంలో ముంచెత్తుతు పరమపదించారు.
ఈ రోజు కృష్ణ గారి మొదటి సంవత్సరికం కార్యక్రమంజరిగింది. మహేష్ తో పాటు ఇతర కుటుంబ సభ్యులందరు కృష్ణ గారి చిత్ర పటానికి పూలమాలలు వేసి కృష్ణ గారితో గడిపిన గత స్మృతుల్ని గుర్తుచేసుకున్నారు. అలాగే కృష్ణ గారి ఫోటో పక్కనే కృష్ణ గారి సతీమణి దివంగత ఇందిరాదేవి గారి ఫోటో ఉంచి ఆమెకి కూడా నివాళులు అర్పించారు.
ఈ రోజు కృష్ణ గారి సంవత్సరికం గురించి తెలుసుకున్నచాలా మంది సినీ ప్రముఖులు అలాగే కృష్ణ గారి అభిమానులు అప్పుడే కృష్ణ గారు మా అందర్నీ వదిలేసి సంవత్సరం దాటిందా అని అనుకుంటున్నారు.కానీ ఒక్క విషయం మాత్రం నిజం.. కృష్ణ గారు భౌతికంగా మరణించి ఉండవచ్చు. కానీ కృష్ణ గారు .తాను నటించిన సినిమాల రూపంలో మన ముందు ఎప్పుడు సజీవంగానే ఉంటారు.