విభిన్న చిత్రాలతో తనకంటూ ప్రత్యేక గుర్తింపు తెచ్చుకున్న నారా రోహిత్.. ఈ ఏడాది ఇప్పటికే 'భైరవం' సినిమాతో ప్రేక్షకులను అలరించాడు. వినాయక చవితి కానుకగా రేపు(ఆగస్టు 27) 'సుందరకాండ'తో థియేటర్లలో అడుగు పెట్టబోతున్నాడు. ఈ రొమాంటిక్ కామెడీ ఫిల్మ్.. ప్రచార చిత్రాలతో ప్రేక్షకుల దృష్టిని ఆకర్షించింది. ఇండస్ట్రీ వర్గాల్లోనూ ఈ సినిమాకి పాజిటివ్ టాక్ వినిపిస్తోంది.

నారా రోహిత్ కెరీర్ లో 'సోలో', 'జో అచ్యుతానంద' వంటి రొమాంటిక్ కామెడీ ఫిలిమ్స్ ఉన్నాయి. ముఖ్యంగా 'సోలో' మూవీ రోహిత్ కెరీర్ లో బిగ్ హిట్ గా నిలిచింది. ఇప్పుడు 'సుందరకాండ' ప్రచార చిత్రాల్లోనూ ఆ వైబ్ కనిపించింది. అందుకు తగ్గట్టే సెన్సార్ రిపోర్ట్ పాజిటివ్ గా ఉంది. ఇండస్ట్రీ సర్కిల్స్ లోనూ సినిమా గురించి పాజిటివ్ గా చెబుతున్నారు. పెళ్ళి కాని ప్రసాద్‌ తరహా పాత్రలో రోహిత్ చక్కగా ఒదిగిపోయాడట. నరేష్, సత్య, అభినవ్ గోమఠంతో కలిసి నవ్వులు పూయించాడని అంటున్నారు. లవ్ ట్రాక్ కూడా ఆకట్టుకునేలా ఉందట. రొమాన్స్, కామెడీనే కాదు.. ఎమోషన్ కూడా వర్కౌట్ అయిందని టాక్.

ఇటీవల కాలంలో ఫ్యామిలీ ఆడియన్స్ ని థియేటర్లకు రప్పించే క్లీన్ ఎంటర్టైనర్స్ పెద్దగా రావట్లేదనే చెప్పాలి. 'సుందరకాండ' పాజిటివ్ టాక్ తెచ్చుకుంటే.. ఆ లోటుని భర్తీ చేసే అవకాశముంది. మరి విడుదలకు ముందు ఇండస్ట్రీ వర్గాల్లో పాజిటివ్ టాక్ ని తెచ్చుకున్న సుందరకాండ.. విడుదల తర్వాత ప్రేక్షకుల నుంచి కూడా పాజిటివ్ టాక్ ని సొంతం చేసుకుంటుందేమో చూడాలి.