English | Telugu
మరో లక్ష్యం ఏప్రిల్ లో మొదలు
Updated : Mar 20, 2014
"లక్ష్యం" వంటి సూపర్ హిట్ చిత్రం తర్వాత గోపీచంద్, శ్రీవాస్ ల కాంబినేషన్ లో మరో కొత్త చిత్రం ప్రారంభం కాబోతుంది. భవ్య క్రియేషన్స్ బ్యానర్లో తెరకెక్కనున్న ఈ చిత్ర షూటింగ్ ఏప్రిల్ రెండవ వారంలో మొదలుకానుంది. ఇటీవలే శ్రీవాస్ తెరకెక్కించిన "పాండవులు పాండవులు తుమ్మెదా" ప్రేక్షకాదరణ పొందింది. అయితే ఈ తాజా చిత్రం కోసం శ్రీవాస్ ఒక పక్క కమర్షియల్ ఫ్యామిలీ ఎంటర్ టైనర్ కథను సిద్ధం చేసాడని తెలిసింది. హీరోయిన్ ను ఇంకా ఖరారు చేయలేదు. ఈ చిత్రానికి సంబంధించిన మరిన్ని వివరాలు త్వరలోనే తెలియనున్నాయి. ప్రస్తుతం గోపీచంద్ హీరోగా బి.గోపాల్ దర్శకత్వంలో ఓ చిత్రం తెరకెక్కుతుంది. ఇందులో నయనతార హీరోయిన్. ఈ చిత్ర షూటింగ్ దాదాపు పూర్తయ్యింది. త్వరలోనే విడుదల చేయడానికి సన్నాహాలు చేస్తున్నారు.