English | Telugu
వారణాసి.. నెవర్ బిఫోర్ లుక్ లో మహేష్ బాబు!
Updated : Nov 15, 2025
మహేష్ బాబు, ఎస్.ఎస్. రాజమౌళి అభిమానులతో పాటు సినీ ప్రియులంతా ఎదురుచూస్తున్న రోజు రానే వచ్చింది. మహేష్-రాజమౌళి కాంబినేషన్ లో రూపొందుతోన్న సినిమాకి 'వారణాసి' టైటిల్ ను ఖరారు చేశారు. (Varanasi)
మహేష్-రాజమౌళి కాంబోలో కె.ఎల్.నారాయణ అత్యంత భారీ బడ్జెట్ తో యాక్షన్ అడ్వెంచర్ ఫిల్మ్ నిర్మిస్తున్నారు. మహేష్ కెరీర్ లో 29వ సినిమాగా తెరకెక్కుతోన్న ఈ ప్రాజెక్ట్ కి కొద్దిరోజులుగా 'వారణాసి' టైటిల్ ప్రచారం జరుగుతోంది. తాజాగా అదే టైటిల్ ని అధికారికంగా ప్రకటించారు.
టైటిల్ రివీల్ తో పాటు, ఫస్ట్ గ్లింప్స్ ను రిలీజ్ చేయడం కోసం శనివారం సాయంత్రం గ్లోబ్ ట్రాటర్ పేరుతో భారీ ఈవెంట్ ని ప్లాన్ చేశారు. ఈ ఈవెంట్ లో 'వారణాసి' అనే టైటిల్ ని రివీల్ చేశారు. అంతేకాదు, గ్లింప్స్ లో నంది మీద త్రిశూలం పట్టుకొని మహేష్ కనిపించిన తీరు గూస్ బంప్స్ తెప్పించేలా ఉంది. నెవర్ బిఫోర్ ఎవర్ ఆఫ్టర్ అనేలా మహేష్ బాబుని రాజమౌళి చూపించబోతున్నారని గ్లింప్స్ తో క్లారిటీ వచ్చింది.