'బాహుబలి', 'ఆర్ఆర్ఆర్' సినిమాలతో గ్లోబల్ స్థాయి గుర్తింపు తెచ్చుకున్న దర్శకధీరుడు ఎస్.ఎస్. రాజమౌళి (SS Rajamouli) తన తదుపరి చిత్రాన్ని సూపర్ స్టార్ మహేష్ బాబు (Mahesh Babu)తో చేయనున్న సంగతి తెలిసిందే. హీరోగా మహేష్ కి ఇది 29వ చిత్రం. ఈ సినిమా ఎప్పుడు మొదలవుతుందా? దీనికి సంబంధించిన అప్డేట్స్ ఎప్పుడొస్తాయా? అని అందరూ ఎంతగానో ఎదురుచూస్తున్నారు. 'ఆర్ఆర్ఆర్' విడుదలై రెండున్నరేళ్లు అవుతున్నా ఇంతవరకు రాజమౌళి ఈ సినిమా షూట్ ని స్టార్ట్ చేయకపోవడంతో ఫ్యాన్స్ నిరాశలో ఉన్నారు. అయితే ఎట్టకేలకు ఈ మూవీ షూటింగ్ కి ముహూర్తం ఖరారైంది. (SSRMB)

'SSMB 29' షూటింగ్ 2025 జనవరి నుంచి మొదటి కానుంది. ఈ విషయాన్ని ప్రముఖ రచయిత, రాజమౌళి తండ్రి విజయేంద్రప్రసాద్ తెలిపారు. రీసెంట్ గా ఓ ఈవెంట్ లో పాల్గొన్న విజయేంద్రప్రసాద్ కు 'SSMB 29'కి సంబంధించిన ప్రశ్న ఎదురుకాగా.. జనవరి నుంచి షూట్ స్టార్ట్ అవుతుందని చెప్పారు. ఇది మహేష్ ఫ్యాన్స్ కి ఫుల్ కిక్కిచ్చే న్యూస్ అని చెప్పవచ్చు.