English | Telugu

చివరి సారి మనముందుకొస్తున్న 'రియల్ స్టార్‌'


సినిమా అభిమానులతో పాటు, పరిశ్రమలోనూ, ప్రజల్లోనూ ఎంతో మంది అభిమానులను సంపాదించుకున్న రియల్ హీరో శ్రీహరి. ఆయన మరణించడానికి ముందు నటించిన సినిమా టైటిల్ ‘రియల్ స్టార్’అని మార్చాలని ఆ చిత్ర యూనిట్ నిర్ణయించుకుంది. గతంలో ‘టీ సమోసా బిస్కెట్’ అనే టైటిల్‌తో రూపొందించిన ఈ సినిమాకు ఇప్పుడు ‘రియల్ స్టార్’ అని మార్చారు.ఈ విషయాన్ని చిత్ర నిర్మాతలు కొండపల్లి యోగానంద్, లక్ష్మణరావులు మీడియాకు తెలియజేశారు. శ్రీహరి జీవితానికి దగ్గరగా ఉండే సినిమా కావడంతో సినిమాకు ఈ కొత్త టైటిల్‌ పెట్టినట్లు తెలియచేశారు. వందేమాతరం శ్రీనివాస్ సంగితం అందిస్తున్న ఈ చిత్రం వచ్చే నెలలో విడుదల చేస్తున్నట్లు తెలిపారు. శ్రీహరి నటించిన ఆఖరి చిత్రానికి ‘రియల్ స్టార్’ అనే టైటిల్ పెట్టడం ఆయనకు నిజమైన నివాళి.


ధురంధర్ కి 90 కోట్లు నష్టం.. పంపిణి దారుడు ప్రణబ్ కపాడియా వెల్లడి 

రణవీర్ సింగ్, అక్షయ్ ఖన్నా, సంజయ్ దత్, మాధవన్, ఆదిత్య దర్ ల 'ధురంధర్' విజయ పరంపర ఇండియన్ సిల్వర్ స్క్రీన్ పై ఇంకా యథేచ్ఛగా కొనసాగుతుంది. బహుశా అడ్డు కట్ట వేసే మరో చిత్రం ఇప్పట్లో వచ్చేలా లేదు. వచ్చినా ధురంధర్ ముందు ఏ మాత్రం నిలబడతాయో అనే సందేహం కూడా ట్రేడ్ వర్గాలతో పాటు మూవీ లవర్స్ లో వ్యక్త మవుతుంది. అంతలా 'ధురంధర్' కథనాలు అభిమానులు, ప్రేక్షకులని ఆకట్టుకుంటున్నాయి. రిపీట్ ఆడియన్స్ కూడా పెద్ద ఎత్తున వెళ్తుండటంతో బాక్స్  ఆఫీస్ వద్ద ఇప్పటికే 1100 కోట్ల రూపాయలని రాబట్టింది. మరి అలాంటి ధురంధర్ కి ఒక ఏరియా లో మాత్రం 90 కోట్ల రూపాయిల నష్టాన్ని చవి చూసింది.