English | Telugu
పవన్ కళ్యాణ్ సంచలన ట్విట్
Updated : Feb 23, 2015
పవర్స్టార్ పవర్ కళ్యాణ్ ఈరోజు ట్విట్లర్లో చేసిన ట్విట్ రాజకీయంగా సంచలనం సృష్టించింది. గత ఎన్నికల్లో తెలుగుదేశం, బీజేపీకి అనుకూలంగా ప్రచారం చేసిన పవన్ కళ్యాణ్ కి బాబు, మోడీ దగ్గర ప్రత్యేక గౌరవం వుంది. ఈ నేపథ్యంలో అయన తాజాగా ఆంధ్రప్రదేశ్కి ప్రత్యేక హోదాపై ట్విట్టర్ లో కొన్ని ట్విట్లు చేశారు. ఆంధ్రప్రదేశ్ రాష్ట్రానికి ప్రత్యేక హోదా విషయంలో భారతీయ జనతా పార్టీ మాట ఇచ్చిందని, ఇప్పుడు ఆ మాట నిలుపుకునే సమయం వచ్చిందని, బీజేపీ మాట తప్పదని భావిస్తున్నానని పవన్ కళ్యాణ్ ట్విట్లర్లో పోస్ట్ చేశారు. అయితే ఆంధ్రప్రదేశ్కి ప్రత్యేక హోదా ఇవ్వాల్సిందేనంటూ పవన్ కళ్యాణ్ ముందుకు రావడం హర్షించదగ్గ పరిణామం అని రాజకీయ నిపుణులు అంటున్నారు. మరి పవన్ భావిస్తున్నట్టుగా బిజెపి తన మాట మీద నిలబడుతు౦దా? అనేది ప్రస్తుతం చర్చనీయాంశంగా మారింది.