English | Telugu
కృష్ణ ఆవిష్కరించిన ఓరి... దేవుడోయ్ పాటలు
Updated : Apr 23, 2014
రాజీవ్ సాలూరి, మధురాక్షి, మౌనిక హీరోహీరోయిన్లుగా తెరకెక్కుతున్న చిత్రం "ఓరి... దేవుడోయ్". ఈ చిత్ర పాటల సీడీని హైదరాబాదులో ఇటీవలే సూపర్ స్టార్ కృష్ణ ఆవిష్కరించి, తొలి సీడీని డి.రామానాయుడుకి అందించారు. ఈ సందర్భంగా కృష్ణ మాట్లాడుతూ..."సాలూరి రాజేశ్వరరావు, ఆ తర్వాత కోటి, నేను నటించిన ఎన్నో సినిమాలకు సంగీతం అందించారు. అన్నీ సూపర్ హిట్స్. కోటి కొడుకు హీరోగా నటిస్తున్న ఈ సినిమా పెద్ద హిట్టు కావాలి" అని అన్నారు. కోటీ మాట్లాడుతూ..."మా రాజీవ్ సోలో హీరోగా నటించిన ఈ సినిమాకు సంగీతం అందించినందుకు చాలా ఆనందంగా ఉంది" అని అన్నారు. చేజింగ్ డ్రీమ్స్ ప్రొడక్షన్స్ బ్యానర్లో రవిశంకర్ వేగరాజు, మాధురి వేగరాజు నిర్మిస్తున్న ఈ చిత్రానికి శ్రీరామ్ వేగరాజు దర్శకత్వం వహించారు. ఓ యువకుడు బాగా డబ్బు సంపాదించి తన సమస్యలతో పాటు తన చుట్టూ ఉన్నవారి సమస్యలను ఏ విధంగా పరిష్కరించాడనే కథాంశాన్ని వినోదాత్మకంగా చూపించనున్నారు. ఈ చిత్రాన్ని త్వరలోనే విడుదల చేయనున్నారు.