మాన్ ఆఫ్ మాసెస్ 'ఎన్టీఆర్'(Ntr)వార్ 2(War 2)తో తొలిసారి బాలీవుడ్ లో అడుగుపెడుతున్న విషయం తెలిసిందే.స్టార్ హీరో హృతిక్ రోషన్(Hrithk Roshan)తో కలిసి స్క్రీన్ షేర్ చేసుకుంటుండ డంతో,ఇండియన్ సిల్వర్ స్క్రీన్ పై మోస్ట్ ప్రెస్టేజియస్ట్ మల్టిస్టారర్ గా వార్ 2 నిలిచింది.దీన్నిబట్టి పాన్ ఇండియా లెవల్లో అభిమానులతో పాటు ప్రేక్షకుల్లో అంచనాలు ఏ రేంజ్ లో ఉంటాయో అర్ధం చేసుకోవచ్చు.ముంబై లో వేసిన ఒక భారీ సెట్ లో ఎన్టీఆర్,హృతిక్ తో పాటు 500 మంది డాన్సర్స్ పై ఒక భారీ సాంగ్ ని చిత్రీకరించబోతున్నట్టుగా కొన్ని రోజుల క్రితం వార్తలు వచ్చాయి.

అందుకు సంబంధించి రిహార్సల్స్ జరుగుతుండగా హృతిక్ కి గాయాలవడంతో,నెల రోజుల పాటు డాక్టర్స్ రెస్ట్ తీసుకోమన్నారని,దీంతో సాంగ్ వాయిదా పడిందనే న్యూస్ బాలీవుడ్ సినీ సర్కిల్స్ లో చక్కర్లు కొడుతుంది.మరి ఇదే నిజమైతే కనుక, అగస్టు 14 న మూవీ రిలీజ్ కావడం కష్టమనే అభిప్రాయం కూడా సినీ విశ్లేషకులు వ్యక్తం చేస్తున్నారు.అయితే హృతిక్ గాయం గురించి చిత్ర బృందం నుంచి ఎలాంటి అధికార ప్రకటన రాలేదు.

నిజానికి వార్ 2 స్టార్ట్ అయినప్పట్నుంచి నేటి వరకు కూడా చిత్ర బృందం అధికారకంగా ఏ విషయాన్నీ వెల్లడి చెయ్యటం లేదు.కనీసం ఎన్టీఆర్,హృతిక్ స్టిల్స్ కూడా బయటకు వచ్చిన దాఖలాలు లేవు. వార్ 2 ని అగ్ర నిర్మాణ సంస్థ యష్ రాజ్ ఫిలిమ్స్ సుమారు 200 కోట్ల భారీ బడ్జెట్ తో నిర్మిస్తుండగా,అయాన్ ముఖర్జీ(Ayan Mukerji)దర్శకత్వం వహిస్తున్నాడు. కియారా అద్వానీ, జాన్ అబ్రహం కీలక పాత్రలో కనిపించబోతున్నారు.ఎన్టీఆర్ నుంచి దేవర తర్వాత ప్రేక్షకుల ముందుకు రాబోయే మూవీ అయితే వార్ 2 నే.2019 లో హృతిక్, టైగర్ ష్రఫ్ కలిసి నటించిన వార్ మూవీకి సిక్వెల్ గా వార్ 2 తెరకెక్కుతుంది.