English | Telugu
రెండో సాంగ్ రిలీజ్ చేసిన అక్కినేని నాగార్జున
Updated : Nov 3, 2023
కర్ణాటకలోని హళిబేడు, బేలూరులలో జరిగిన యదార్థ సంఘటనల ఆధారంగా తెరకెక్కుతున్న చిత్రం శాంతల..ఎన్నో సూపర్ డూపర్ హిట్ సినిమాలని నిర్మించిన కే ఎస్ రామారావు సమర్పణలో ఇండో అమెరికన్ ఆర్ట్స్ పతాకంపై శాంతల చిత్రం రూపుదిద్దుకుంది. అమెజాన్ ప్రైమ్ లో బ్లాక్ బస్టర్ గా నిలిచిన ఫ్యామిలీ మాన్ ఫేమ్ అశ్లేష ఠాకూర్ హీరోయిన్ గా నీహల్ హీరోగా త్రివిక్రమ్ శేషు దర్శకత్వం లో వస్తున్న చిత్రం శాంతల. ఈ చిత్రంలోని రెండో పాట చెలి మోహమే అనే పాటను హీరో కింగ్ నాగార్జున విడుదల చేశారు.
ఈ సందర్భంగా చిత్ర యూనిట్ సభ్యులు మాట్లాడుతూ మా శాంతల చిత్రంలోని రెండో పాటని నాగార్జున గారు విడుదల చేయడం చాలా సంతోషంగా ఉందని అన్నారు. నాగార్జునగారు రిలీజ్ చేసిన చెలి మోహమే పాటను ఎస్ పి బి చరణ్ పాడగా కృష్ణ కాంత్ సాహిత్యం అందించాడు. సీతారామం వంటి సూపర్ డూపర్ హిట్ చిత్రానికి సంచలన సంగీతం సమకూర్చిన విశాల్ చంద్రశేఖర్ ఈ శాంతల చిత్రానికి సంగీతాన్ని అందించారు. స్టార్ డైలాగ్ రైటర్ సాయి మాధవ్ బుర్రా ఈ చిత్రానికి మాటలని అందించాడు. నవంబర్ 17 న శాంతల చిత్రం విడుదల కాబోతుంది.