English | Telugu
కమర్షియల్ జపం చేస్తున్న కుర్ర హీరో!
Updated : Mar 29, 2023
ఈ జనరేషన్ యంగ్ హీరోలు ఎక్కువగా విభిన్న చిత్రాలతో అలరించే ప్రయత్నం చేస్తున్నారు. కానీ ఒక యంగ్ హీరో మాత్రం కమర్షియల్ జపం చేస్తున్నాడు. ఆ కుర్ర హీరో ఎవరో కాదు కిరణ్ అబ్బవరం. కిరణ్ హీరోగా నటించిన తాజా చిత్రం 'మీటర్'. క్లాప్ ఎంటర్టైన్మెంట్, మైత్రి మూవీ మేకర్స్ సంయుక్తంగా నిర్మించిన ఈ చిత్రానికి రమేష్ కాడూరి దర్శకుడు. ఏప్రిల్ 7న ఈ సినిమా ప్రేక్షకుల ముందుకు రానుంది. ఈ నేపథ్యంలో తాజాగా మూవీ ట్రైలర్ ను విడుదల చేశాడు మేకర్స్. ఆ ట్రైలర్ చూస్తుంటే స్టార్ హీరో నటించిన పక్కా కమర్షియల్ సినిమా ట్రైలర్ లా అనిపిస్తోంది.
'మీటర్' ట్రైలర్ ను బుధవారం ఉదయం విడుదల చేశాడు. ఈ చిత్రంలో కిరణ్ పోలీస్ గా కనిపిస్తున్నాడు. అదిరిపోయే ఫైట్లు, పంచ్ డైలాగ్స్, మాస్ స్టెప్పులు, రొమాంటిక్ సీన్స్ తో ట్రైలర్ కమర్షియల్ ప్యాకేజ్ లా ఉంది. ముఖ్యంగా కిరణ్ యాటిట్యూడ్, ఎలివేషన్ షాట్స్, భారీ ఫైట్లు, మాస్ వార్నింగ్ లు స్టార్ హీరోల సినిమాలను తలపిస్తున్నాయి. మరి ఈ పక్కా కమర్షియల్ ఫిల్మ్ తో కుర్ర హీరో కిరణ్ ఎలాంటి ఫలితాన్ని అందుకుంటాడో చూడాలి.
అతుల్య రవి హీరోయిన్ గా నటించిన ఈ చిత్రానికి మ్యూజిక్ డైరెక్టర్ గా సాయి కార్తీక్, సినిమాటోగ్రాఫర్ గా వెంకట్ సి. దిలీప్ వ్యవహరిస్తున్నారు.