మరో యాడ్ లో ప్రిన్స్ మహేష్ బాబు నటించనున్నాడని తెలిసింది. వివరాల్లోకి వెళితే ప్రిన్స్ మహేష్ బాబు ఇప్పటికే చాలా కంపెనీలకు బ్రాండ్ అంబాసిడర్ గా ఉన్నారు. అంటే థమ్సప్, యూనివర్సెల్, ఐడియా సెల్యూలర్, అమృతాంజన్ పెయిన్ బామ్, వివెల్ షాంపూ, జాస్ అలూకాస్ వంటి కంపెనీలకు ప్రిన్స్ మహేష్ బాబు బ్రాండ్ అంబాసిడర్ గా ఉన్నారు. ప్రస్తుతం లేటెస్ట్ గా సంతూర్ సబ్బుకి ప్రిన్స్ మహేష్ బాబు బ్రాండ్ అంబాసిడర్ గా పనిచేయబోతున్నారని తెలిసింది.

ఈ సంతూర్ సబ్బు యాడ్ త్వరలో చిత్రీకరించనున్నారు. ఈ యాడ్ కి ప్రముఖ సినీ స్టార్ రచయిత కమ్ డైరెక్టర్ త్రివిక్రమ్ శ్రీనివాస్ రచయితగా వ్యవహరిస్తారని విశ్వసనీయవర్గాలద్వారా అందిన సమాచారం. ప్రిన్స్ మహేష్ బాబు హీరోగా నటిస్తున్న "బిజినెస్ మ్యాన్" చిత్రం జనవరి 11 వ తేదీన, సంక్రాంతి పండుగ కానుకగా విడుదల కానుంది.