English | Telugu
రెండో పెళ్లి చేసుకున్న కాజల్..నన్ను క్షమించండి అంటు ట్వీట్
Updated : Dec 27, 2023
తమిళ ప్రేక్షకులకి సుపరిచితమైన నటి కాజల్ పశుపతి..2004 లో వచ్చిన వసూల్ రాజా చిత్రంతో సినీ రంగ ప్రవేశం చేసిన కాజల్ ఆ తర్వాత డ్రీమ్స్ ,పెరుమాళ్,సింగం,కో,మౌనా గారు, కళకళప్పు, కత్తి,కిచ్చి కిచ్చి ఇలా దాదాపు ఒక పాతిక సినిమాలకి పైనే చేసి మంచి నటి అనే గుర్తింపు తెచ్చుకుంది. తెలుగులో కూడా గౌరవం అనే సినిమాలో కూడా నటించిన ఆమె తాజాగా సోషల్ మీడియాలో షేర్ చేసిన పిక్స్ సంచలనం సృష్టిస్తున్నాయి.
కాజల్ తన ఇనిస్టాగ్రమ్ లో నేను మళ్ళీ పెళ్లి చేసుకున్నాను అంటు అందుకు సంబంధించిన ఫోటోలని పోస్ట్ చేసింది. ఫైనల్ గా నేను రెండో పెళ్లి చేసుకున్నాను..నన్ను క్షమించండి ఫ్రెండ్స్ అందరు క్షేమంగానే ఉన్నారని ఆశిస్తున్నా అనే క్యాషన్ ని కూడా చేసింది.కాకపోతే ఆమె ఎవర్ని పెళ్లి చేసుకుందనే విషయాన్ని మాత్రం చెప్పకపోయే సరికి అదంతా సినిమా పెళ్లి కాబోలు అని కొందరు అంటున్నారు.
2008 లో ఫేమస్ కొరియో గ్రాఫర్ శాండీ మాస్టర్ ని వివాహం చేసుకున్న కాజల్ 2012 లో శాండీ నుంచి విడిపోయింది. శాండీ మరో అమ్మాయిని వివాహం చేసుకున్నా కూడా కాజల్ మాత్రం వివాహం చేసుకోకుండా అలాగే ఉండిపోయింది. కానీ ఇప్పుడు పెళ్లి చేసుకున్నాను అంటూ ఫొటోస్ పోస్ట్ చేసింది.ప్రస్తుతం ఈ విషయం తమిళ చిత్ర పరిశ్రమలో సంచలనం సృష్టిస్తుంది.